Category:

ખેલ વિશ્વ

Get the Latest Sports News in Gujarati at Newscontinuous. We Cover All the Sports Related News, Reviews, Match Updates, and Other Sports Information in Gujarati | cricket score, live cricket score,Cricket, Football, Tennis, Badminton, sports coverage | ક્રિકેટ સ્કોર, લાઇવ ક્રિકેટ સ્કોર, ક્રિકેટ, ફૂટબોલ, ટેનિસ, બેડમિન્ટન, સ્પોર્ટ્સ કવરેજ, રમત ગમત, ખેલ સમાચાર, સ્પોર્ટસ

IPL 2026 Auction IPL 2026 માટે રણમેદાન તૈયાર! ઓક્શન પછી કઈ ટીમ કેટલી શક્તિશાળી
ખેલ વિશ્વક્રિકેટ

IPL 2026 Auction: IPL 2026 માટે રણમેદાન તૈયાર! ઓક્શન પછી કઈ ટીમ કેટલી શક્તિશાળી? જુઓ તમામ 10 ટીમોના લેટેસ્ટ લિસ્ટ.

by samadhan gothal
written by samadhan gothal

News Continuous Bureau | Mumbai

IPL 2026 Auction આઈપીએલ 2026 માટે ખેલાડીઓની મિની હરાજી મંગળવારે અબુ ધાબીમાં યોજાઈ હતી. આ હરાજીમાં કુલ 77 ખેલાડીઓ વેચાયા હતા. હવે ફેન્સની નજર આગામી સીઝન પર છે, જે 26 માર્ચથી 31 મે દરમિયાન રમાશે. રોયલ ચેલેન્જર્સ બેંગલુરુ (RCB) પોતાનું ટાઈટલ ડિફેન્ડ કરવા ઉતરશે.

હરાજીના ‘મોંઘા’ સ્ટાર્સ

આ ઓક્શનમાં કોલકાતા નાઈટ રાઈડર્સ (KKR) એ કેમરન ગ્રીનને 25.20 કરોડ માં ખરીદીને ઇતિહાસ રચ્યો હતો. બીજી તરફ ચેન્નાઈ સુપર કિંગ્સ (CSK) એ ઘરઆંગણાની પ્રતિભા પર દાવ લગાવતા પ્રશાંત વીર અને કાર્તિક શર્મા ને 14.20-14.20 કરોડ રૂપિયામાં ખરીદ્યા હતા.

તમામ 10 ટીમોના ફાઈનલ સ્ક્વોડ

હરાજી બાદ તમામ ટીમોના સ્ક્વોડ નીચે મુજબ છે:

  • ચેન્નાઈ સુપર કિંગ્સ (CSK): ઋતુરાજ ગાયકવાડ (કેપ્ટન), એમએસ ધોની, સંજુ સેમસન (ટ્રેડ), પ્રશાંત વીર, કાર્તિક શર્મા, શિવમ દુબે, નૂર અહેમદ સહિત 25 ખેલાડીઓ.
  • રોયલ ચેલેન્જર્સ બેંગલુરુ (RCB): રજત પાટીદાર (કેપ્ટન), વિરાટ કોહલી, ભુવનેશ્વર કુમાર, જોશ હેઝલવુડ, ફિલ સોલ્ટ, જીતેશ શર્મા સહિત 25 ખેલાડીઓ.
  • મુંબઈ ઇન્ડિયન્સ (MI): હાર્દિક પંડ્યા (કેપ્ટન), રોહિત શર્મા, સૂર્યકુમાર યાદવ, જસપ્રીત બુમરાહ, ટ્રેન્ટ બોલ્ટ, ક્વિન્ટન ડી કોક સહિત 25 ખેલાડીઓ.
  • કોલકાતા નાઈટ રાઈડર્સ (KKR): કેમરન ગ્રીન, રિંકુ સિંહ, સુનીલ નરેન, વરુણ ચક્રવર્તી, અજિંક્ય રહાણે, રચિન રવિન્દ્ર સહિત 25 ખેલાડીઓ.
  • ગુજરાત ટાઇટન્સ (GT): શુભમન ગિલ (કેપ્ટન), રાશિદ ખાન, જોસ બટલર, મોહમ્મદ સિરાજ, કાગીસો રબાડા, વોશિંગ્ટન સુંદર સહિત 25 ખેલાડીઓ.
  • લખનૌ સુપર જાયન્ટ્સ (LSG): ઋષભ પંત (કેપ્ટન), નિકોલસ પૂરન, મોહમ્મદ શમી (ટ્રેડ), મયંક યાદવ, અર્જુન તેંડુલકર (ટ્રેડ) સહિત 25 ખેલાડીઓ.
  • પંજાબ કિંગ્સ (PBKS): શ્રેયસ અય્યર (કેપ્ટન), યુઝવેન્દ્ર ચહલ, અર્શદીપ સિંહ, માર્કસ સ્ટોઈનિસ, માર્કો યાનસેન સહિત 25 ખેલાડીઓ.
  • રાજસ્થાન રોયલ્સ (RR): યશસ્વી જાયસ્વાલ, રવિન્દ્ર જાડેજા (ટ્રેડ), સેમ કરન (ટ્રેડ), જોફ્રા આર્ચર, સંદીપ શર્મા સહિત 25 ખેલાડીઓ.
  • દિલ્હી કેપિટલ્સ (DC): અક્ષર પટેલ (કેપ્ટન), કેએલ રાહુલ, મિચેલ સ્ટાર્ક, ટી. નટરાજન, કુલદીપ યાદવ, પૃથ્વી શો સહિત 25 ખેલાડીઓ.
  • સનરાઈઝર્સ હૈદરાબાદ (SRH): પેટ કમિન્સ (કેપ્ટન), ટ્રેવિસ હેડ, ઈશાન કિશન, હેનરિક ક્લાસેન, હર્ષલ પટેલ, અભિષેક શર્મા સહિત 25 ખેલાડીઓ.

આ સમાચાર પણ વાંચો: Insurance sector 100% FDI: ઇન્શ્યોરન્સ સેક્ટરમાં મોટો ધડાકો! 100% FDI ને લીલી ઝંડી, જાણો તમારા પ્રીમિયમ અને ક્લેમ સેટલમેન્ટ પર શું થશે અસર

અનકેપ્ડ ખેલાડીઓનો દબદબો

આ હરાજીમાં 6 અનકેપ્ડ ખેલાડીઓએ મહેફિલ લૂંટી હતી. કાર્તિક શર્મા અને પ્રશાંત વીર ઉપરાંત આકિબ નબીને પણ 8.40 કરોડ રૂપિયા મળ્યા હતા, જે દર્શાવે છે કે આઈપીએલ ટીમો હવે યુવા ભારતીય પ્રતિભા પર વધુ ભરોસો કરી રહી છે.

0 comment
0 FacebookTwitterPinterestEmail
IPL Auction 2026
Main PostTop Postક્રિકેટખેલ વિશ્વ

IPL Auction 2026: IPL ઓક્શન ૨૦૨૬માં ઇતિહાસ રચાયો, ચેન્નઈ સુપર કિંગ્સે બે અનકેપ્ડ ખેલાડીઓને ₹૨૮.૪૦ કરોડમાં ખરીદીને સૌને ચોંકાવ્યા!

by Yug Parmar
written by Yug Parmar

News Continuous Bureau | Mumbai

IPL Auction 2026: IPL ૨૦૨૬ના ઓક્શનમાં ચેન્નઈ સુપર કિંગ્સે (CSK) એકસાથે બે યુવા ખેલાડીઓ પર મોટી રકમની બોલી લગાવીને ઇતિહાસ રચી દીધો છે. ઉત્તર પ્રદેશના ઓલરાઉન્ડર પ્રશાંત વીર અને રાજસ્થાનના વિકેટકીપર-બેટ્સમેન કાર્તિક શર્મા બંને IPL ઇતિહાસના સૌથી મોંઘા અનકેપ્ડ ખેલાડી બની ગયા છે. આ બંને ખેલાડીઓને ચેન્નઈ સુપર કિંગ્સે ૧૪.૨૦ કરોડની જંગી રકમમાં ખરીદીને સૌને ચોંકાવી દીધા છે. આ સાથે જ તેમણે IPL ૨૦૨૨માં લખનૌ સુપર જાયન્ટ્સ દ્વારા ૧૦ કરોડમાં ખરીદાયેલા ફાસ્ટ બોલર આવેશ ખાનનો રેકોર્ડ તોડી નાખ્યો છે.

🌟 કોણ છે પ્રશાંત વીર?

  • બેકગ્રાઉન્ડ: ૨૦ વર્ષીય પ્રશાંત વીર ઉત્તર પ્રદેશથી આવે છે.
  • અનુભવ: તેમણે અત્યાર સુધીમાં માત્ર બે ફર્સ્ટ ક્લાસ અને નવ T20 મેચ રમી છે, જેમાં કુલ ૧૨ વિકેટ ઝડપી છે. 
  • પ્રદર્શનની ઝલક: તાજેતરમાં તેમણે યુપી તરફથી અંડર-૨૩ અને સૈયદ મુશ્તાક અલી ટ્રોફીમાં સતત ભાગ લીધો હતો. તેમની વ્યસ્તતા એવી હતી કે એક દિવસે તેઓ મુંબઈમાં અંડર-૨૩ની મેચ રમતા હતા, તો બીજા દિવસે કોલકાતામાં સૈયદ મુશ્તાક અલી ટ્રોફીમાં ભાગ લેતા હતા. 
  • CSK કનેક્શન: ઓક્શન પહેલા તેમણે ચેન્નઈ સુપર કિંગ્સ માટે ટ્રાયલ પણ આપ્યું હતું.

🌟 કોણ છે કાર્તિક શર્મા?

  • બેકગ્રાઉન્ડ: ૧૯ વર્ષીય કાર્તિક શર્મા રાજસ્થાનથી આવે છે અને ડાબોડી વિકેટકીપર બેટ્સમેન છે. 
  • અનુભવ: તેમણે અત્યાર સુધીમાં આઠ ફર્સ્ટ ક્લાસ, નવ લિસ્ટ-A અને ૧૨ T20 મેચ રમી છે. 
  • શાનદાર સ્ટ્રાઇક રેટ: તેમની T20માં સ્ટ્રાઇક રેટ ૧૬૨.૯૨ અને લિસ્ટ-A માં ૧૧૮.૦૩ની છે, જે તેમની વિસ્ફોટક બેટિંગ દર્શાવે છે. 
  • સદીઓનો રેકોર્ડ: તેમણે ફર્સ્ટ ક્લાસ અને લિસ્ટ-A બંનેમાં ડેબ્યૂ પર સદી ફટકારી હતી. ફર્સ્ટ ક્લાસમાં ત્રણ અને લિસ્ટ-A માં બે સદીઓ તેમના નામે છે. 
  • CSK કનેક્શન: કાર્તિકે પણ ગત સિઝનમાં ચેન્નઈ માટે ટ્રાયલ આપ્યો હતો અને તે ટીમના કેમ્પમાં પણ રહ્યો હતો.

🎯 ચેન્નઈ સુપર કિંગ્સની ખરીદી પાછળની રણનીતિ

CSK એ આ બંને ખેલાડીઓ માટે બોલી લગાવવામાં કોઈ કસર છોડી ન હતી, જેનાથી તેમની વ્યૂહાત્મકતા સ્પષ્ટ થાય છે:

  • પ્રશાંત વીર પર બોલી: પ્રશાંત વીરને ચેન્નઈમાં રવીન્દ્ર જાડેજાના રિપ્લેસમેન્ટ તરીકે જોવામાં આવી રહ્યા છે, જે સ્પષ્ટ સંકેત આપે છે કે ટીમ લાંબા ગાળાના ઓલરાઉન્ડર વિકલ્પ શોધી રહી છે. પરંતુ અંતે CSK એ ₹૧૪.૨૦ કરોડની બોલી સાથે તેમને પોતાના નામે કર્યા. 
  • કાર્તિક શર્મા પર બોલી: ડાબોડી બેટ્સમેન કાર્તિક શર્માએ ગત સિઝનમાં રણજી અને લિસ્ટ-A ડેબ્યૂ પર સદીઓ અને આ સિઝનમાં સૈયદ મુશ્તાક અલી ટ્રોફીમાં જોરદાર રમત બતાવી હતી. CSK તેમને વિસ્ફોટક બેટ્સમેન તરીકે ટીમમાં સ્થાન આપીને બેટિંગને મજબૂત બનાવવા માંગે છે.

🏆 મોટો સવાલ: શું આ ખેલાડીઓ IPL ૨૦૨૬માં પોતાની કિંમત સાબિત કરી શકશે?

પ્રશાંત વીર અને કાર્તિક શર્મા પર લાગેલી ₹૧૪.૨૦ કરોડની જંગી બોલીએ ફરી એકવાર સાબિત કર્યું છે કે IPLમાં યુવા અને અસરકારક ડોમેસ્ટિક ટેલેન્ટની કોઈ કમી નથી. આવેશ ખાનનો રેકોર્ડ તોડનારા આ બંને ખેલાડીઓ ચેન્નઈ સુપર કિંગ્સના ભવિષ્ય માટે કેટલા મહત્ત્વપૂર્ણ સાબિત થાય છે, તે જોવું રસપ્રદ રહેશે. બંનેએ CSK કેમ્પમાં સમય વિતાવ્યો હોવાથી, ટીમ મેનેજમેન્ટે તેમના પર સંપૂર્ણ વિશ્વાસ મૂક્યો છે. હવે તમામ ક્રિકેટ ચાહકો આતુરતાથી રાહ જોઈ રહ્યા છે કે શું આ યુવા કરોડપતિઓ IPLના મોટા મંચ પર પણ પોતાના પ્રદર્શનથી ન્યાય આપીને ટીમને ચેમ્પિયન બનાવી શકશે?

0 comment
0 FacebookTwitterPinterestEmail
IPL Auction 2026
Main PostTop Postક્રિકેટખેલ વિશ્વ

IPL Auction 2026: જમ્મુ-કાશ્મીરના આકિબ નબી પર ધનવર્ષા: દિલ્હી કેપિટલ્સે ₹૮.૪૦ કરોડમાં ખરીદીને સૌને ચોંકાવ્યા! જાણો, કોણ છે આ મેચ વિનર?

by Yug Parmar
written by Yug Parmar

News Continuous Bureau | Mumbai

🌟 પરિચય: કોણ છે આકિબ ડાર?

IPL Auction 2026: IPL ૨૦૨૬ના ઓક્શન ટેબલ પર આ વખતે જમ્મુ-કાશ્મીરના એક ખેલાડીએ મોટી બાજી મારી છે. દિલ્હી કેપિટલ્સે (DC) J&Kના ફાસ્ટ બોલિંગ ઓલરાઉન્ડર આકિબ ડાર, જે આકિબ નબી તરીકે પણ જાણીતા છે, તેમને અધધધ ₹૮.૪૦ કરોડની મોટી રકમ આપીને ખરીદી લીધા છે. ૨૯ વર્ષીય આકિબ નબીનું ઘરેલું ક્રિકેટ સર્કિટમાં સતત શાનદાર પ્રદર્શન રહ્યું છે, અને આઇપીએલની હરાજીમાં તેમના આ પ્રદર્શનનું તેમને મોટું ઇનામ મળ્યું છે.

🔥 ડોમેસ્ટિક ક્રિકેટમાં જબરદસ્ત પ્રદર્શન

આકિબ નબી ઘરેલુ ક્રિકેટ સર્કિટમાં લાંબા સમયથી પ્રદર્શન કરી રહ્યા છે.

  • SMAT ૨૦૨૫: તેમણે ૨૦૨૫ની સિઝનમાં સૈયદ મુશ્તાક અલી ટ્રોફી (SMAT)માં શાનદાર દેખાવ કર્યો અને કુલ ૧૫ વિકેટ ઝડપી હતી.

  • રણજી ટ્રોફીમાં પ્રભાવ: આટલું જ નહીં, ૨૯ વર્ષીય આ ખેલાડી રણજી ટ્રોફીની સિઝનના પહેલા ભાગમાં ટોચના પાંચ વિકેટ લેનારા બોલરોમાં એકમાત્ર સીમર (ફાસ્ટ બોલર) હતા.

  • ઓલરાઉન્ડર પરાક્રમ: તેમના તાજેતરના T20 પ્રદર્શનની વાત કરીએ તો, નીચલા ક્રમમાં બેટિંગ કરતા તેમણે માત્ર ૨૧ બોલમાં ધમાકેદાર ૩૨ રન બનાવ્યા હતા. ત્યારબાદ બોલિંગમાં તેમણે ચાર ઓવરમાં માત્ર ૧૯ રન આપીને ૩ વિકેટ ઝડપી હતી. આ મેચમાં તેમણે રજત પાટીદાર, વેંકટેશ ઐયર અને અનિકેત વર્મા જેવા IPLના નિયમિત ખેલાડીઓ સામે આ પ્રદર્શન કર્યું હતું.

🎯 દિલ્હી કેપિટલ્સની વ્યૂહરચના અને રેકોર્ડબ્રેક ડીલ

આકિબ નબીએ પોતાની બેઝ પ્રાઇસ માત્ર ૩૦ લાખ રાખી હતી, પરંતુ ફ્રેન્ચાઇઝીઓએ તરત જ તેમનામાં રસ દર્શાવ્યો હતો.

  • દિલ્હીની ખરીદી: દિલ્હી કેપિટલ્સે (DC) નિવૃત્તિને કારણે મોહિત શર્મા જેવા અનુભવી ખેલાડીને ગુમાવ્યા બાદ, તેમના સ્થાને એક મજબૂત ફાસ્ટ બોલિંગ ઓલરાઉન્ડરની જરૂર હતી. DC એ તેમને ટીમમાં સામેલ કરવા માટે મોટો દાવ લગાવ્યો અને ૮.૪૦ કરોડની જંગી રકમ આપી.

  • ઇતિહાસ રચ્યો: આ ડીલ સાથે, આકિબ નબી જમ્મુ-કાશ્મીરમાંથી IPLમાં ખરીદાયેલા સૌથી મોંઘા ખેલાડી બન્યા છે.

  • અનકેપ્ડ રેકોર્ડ: આટલું જ નહીં, IPL ઓક્શનના ઇતિહાસમાં સૌથી મોંઘા અનકેપ્ડ (જેણે આંતરરાષ્ટ્રીય મેચ ન રમી હોય તેવા) ખેલાડીઓની યાદીમાં પણ તેમનો સમાવેશ ટોચના ૧૦માં થયો છે.

🚀 જમ્મુ-કાશ્મીરના ક્રિકેટનું નવું પ્રકરણ: ઔકિબ નબીનો રાઈઝ

જમ્મુ-કાશ્મીરના આકિબ નબીએ IPL ૨૦૨૬ના ઓક્શનમાં પોતાનું નામ ₹૮.૪૦ કરોડમાં વેચીને એક સપનું સાકાર કર્યું છે. તેમની આ સફર બતાવે છે કે ડોમેસ્ટિક ક્રિકેટમાં સતત સારું પ્રદર્શન કરનાર ખેલાડીઓને IPLમાં મોટું ઇનામ મળે છે. દિલ્હી કેપિટલ્સ માટે, નબી મોહિત શર્માનો યોગ્ય વિકલ્પ બની શકે છે. હવે ક્રિકેટ ચાહકો એ જોવા માટે ઉત્સુક છે કે શું આ પ્રતિભાશાળી ઓલરાઉન્ડર IPLના મોટા મંચ પર પણ પોતાના પ્રદર્શનથી ન્યાય આપી શકશે કે કેમ.

0 comment
0 FacebookTwitterPinterestEmail
IPL Auction 2026
ક્રિકેટMain PostTop Postખેલ વિશ્વ

IPL Auction 2026: કઈ ટીમ કોને ટાર્ગેટ કરશે? પર્સમાં કેટલી રકમ, અને કોણ બનશે નવો કરોડપતિ?

by Yug Parmar
written by Yug Parmar

News Continuous Bureau | Mumbai

IPL Auction 2026: ઇન્ડિયન પ્રીમિયર લીગ (IPL) ૨૦૨૬નું મિની-ઓક્શન નજીક આવી રહ્યું છે ત્યારે તમામ ૧૦ ટીમોએ પોતાની રણનીતિ બનાવવાનું શરૂ કરી દીધું છે. આ વખતની હરાજીમાં, ટીમો ₹૧૨૫ કરોડના કુલ પર્સમાંથી ખેલાડીઓ રિટેન કર્યા પછી બાકી રહેલી રકમ સાથે પોતાની ટીમને મજબૂત બનાવવાનો પ્રયાસ કરશે. ઘણા ખેલાડીઓની ટ્રેડિંગ પણ થઈ ચૂકી છે, અને હવે બાકીના ૭૭ સ્લોટ્સ ભરવા માટે ખેલાડીઓ પર બોલી લગાવવામાં આવશે. કઈ ટીમ પાસે કેટલા પૈસા બચ્યા છે, કેટલા ખેલાડીઓની જગ્યા ખાલી છે અને કઈ ટીમ કયા ખેલાડીઓને નિશાન બનાવી રહી છે, ચાલો તેના પર એક નજર કરીએ.

🎯 ઓક્શન ટેબલ પર ટીમોની ‘સિક્રેટ રણનીતિ’

  • રોયલ ચેલેન્જર્સ બેંગલોર (RCB)

  • બાકી પર્સ: ૧૬.૪૦ કરોડ (૧૨૫ કરોડ માંથી)
  • બાકી સ્લોટ્સ: ૮ (૨ વિદેશી)

  • લક્ષ્ય: RCBએ લિયામ લિવિંગસ્ટોન જેવા મોટા નામને રિલીઝ કર્યા છે. તેમને જોશ હેઝલવુડ માટે એક મજબૂત વિદેશી ફાસ્ટ બોલરના બેકઅપની જરૂર છે, જેમાં જેરાલ્ડ કોએત્ઝી અથવા કાઇલ જેમિસન મુખ્ય લક્ષ્ય છે. ડાબોડી ફાસ્ટ બોલર યશ દયાલને સપોર્ટ કરવા માટે શિવમ માવી અથવા કાર્તિક ત્યાગી જેવા ભારતીય બોલરો પર નજર છે. ટીમ મિડલ ઓર્ડરમાં બેલેન્સ લાવવા માટે અનુભવી ભારતીય બેટ્સમેનને પણ નિશાન બનાવી શકે છે.

  • પંજાબ કિંગ્સ (PBKS)

  • બાકી પર્સ: ૧૧.૫૦ કરોડ (૧૨૫ કરોડ માંથી)

  • બાકી સ્લોટ્સ: ૪ (૨ વિદેશી)

  • લક્ષ્ય: ગ્લેન મેક્સવેલના સ્થાને પંજાબને એક ધમાકેદાર વિદેશી ઓલરાઉન્ડરની શોધ છે. ડેરીલ મિચેલ, માર્કસ સ્ટોઈનિસ અથવા લિયામ લિવિંગસ્ટોન જેવા ખેલાડીઓ માટે તેઓ આક્રમક બિડિંગ કરી શકે છે. ઉપરાંત, ફિન એલન જેવા વિદેશી ઓપનરને ટાર્ગેટ કરીને ટીમને વધુ મજબૂત બનાવી શકે છે.

  • મુંબઈ ઇન્ડિયન્સ (MI)

  • બાકી પર્સ: ૨.૭૫ કરોડ (૧૨૫ કરોડ માંથી)

  • બાકી સ્લોટ્સ: ૫ (૧ વિદેશી)

  • લક્ષ્ય: મુંબઈ ઇન્ડિયન્સ પાસે સૌથી ઓછું પર્સ હોવાથી, તેઓ સસ્તા અને અસરકારક ભારતીય બેકઅપ ખેલાડીઓ પર ધ્યાન કેન્દ્રિત કરશે. શાર્દુલ ઠાકુરને ટ્રેડ દ્વારા ટીમમાં લેવાયા છે, હવે તેમને એક સારા ભારતીય સ્પિનરની જરૂર છે. દીપક હૂડા, પૃથ્વી શો (સસ્તામાં મળે તો), અથવા રાહુલ ચાહર જેવા ભારતીય ખેલાડીઓ પર નજર રહેશે. એક વિદેશી સ્લોટ માટે તેઓ સસ્તા પરંતુ પ્રભાવશાળી સ્પિનરને ટાર્ગેટ કરી શકે છે.

  • ચેન્નઈ સુપર કિંગ્સ (CSK)

  • બાકી પર્સ: ૪૩.૪૦ કરોડ (૧૨૫ કરોડ માંથી)

  • બાકી સ્લોટ્સ: ૯ (૪ વિદેશી)

  • લક્ષ્ય: CSK એ ટ્રેડ દ્વારા સંજુ સેમસનને સામેલ કર્યા છે, પરંતુ ડેવોન કોનવે, રચિન રવિન્દ્ર અને મથિશા પથિરાના જેવા મુખ્ય ખેલાડીઓને રિલીઝ કર્યા છે. તેમને મિડલ ઓર્ડર ઓલરાઉન્ડર, ફિનિશર અને એક વિદેશી ફાસ્ટ બોલરની જરૂર છે. કેમેરોન ગ્રીન, લિયામ લિવિંગસ્ટોન, અથવા વાનિન્દુ હસરંગા પર મોટી બોલી લગાવી શકે છે. મથિશા પથિરાનાને ઓછી કિંમતે ફરીથી ખરીદવાનો પ્રયાસ પણ થઈ શકે છે.
  • ગુજરાત ટાઇટન્સ (GT)

  • બાકી પર્સ: ૧૨.૯૦ કરોડ (૧૨૫ કરોડ માંથી)

  • બાકી સ્લોટ્સ: ૫ (૪ વિદેશી)

  • લક્ષ્ય: GT ને મિડલ ઓર્ડરમાં એક મજબૂત બેટ્સમેન અથવા ફિનિશરની જરૂર છે. ડેવિડ મિલર, ગ્લેન ફિલિપ્સ જેવા ખેલાડીઓ પર નજર રહેશે. ફાસ્ટ બોલર કાગીસો રબાડા માટે એક સારો વિદેશી બેકઅપ પણ શોધી રહ્યા છે, જેમાં લોકી ફર્ગ્યુસન પર દાવ લગાવી શકે છે. ભારતીય વિકલ્પોમાં તેઓ શાહરૂખ ખાન અથવા મનદીપ સિંહ પર ધ્યાન આપી શકે છે.
  • કોલકાતા નાઇટ રાઇડર્સ (KKR)

  • બાકી પર્સ: ૬૪.૩૦ કરોડ (૧૨૫ કરોડ માંથી)

  • બાકી સ્લોટ્સ: ૧૩ (૬ વિદેશી)

  • લક્ષ્ય: KKR પાસે સૌથી વધુ પર્સ અને સૌથી વધુ સ્લોટ્સ છે. આન્દ્રે રસેલ અને વેંકટેશ ઐયરને રિલીઝ કરાયા છે. તેમને વિસ્ફોટક વિદેશી ઓપનર, એક મોટા વિદેશી ઓલરાઉન્ડર અને ભારતીય સ્પિનરની જરૂર છે. કેમેરોન ગ્રીન (રસેલનો વિકલ્પ), ફિન એલન (ઓપનર) અને રવિ બિશ્નોઈ જેવા ખેલાડીઓ પર KKR મોટી બોલી લગાવીને ટીમને સંપૂર્ણ રીતે બદલી શકે છે.

  • લખનૌ સુપર જાયન્ટ્સ (LSG)

  • બાકી પર્સ: ૨૨.૯૫ કરોડ (૧૨૫ કરોડ માંથી)

  • બાકી સ્લોટ્સ: ૬ (૪ વિદેશી)

  • લક્ષ્ય: LSG એ રવિ બિશ્નોઈને રિલીઝ કર્યો છે. તેમને ફિનિશર સ્લોટ ભરવો છે, સાથે જ એક અનુભવી સ્પિનરની પણ જરૂર છે. લિયામ લિવિંગસ્ટોન અથવા નિકોલસ પૂરન (ટ્રેડ પછી) જેવા ખેલાડીઓ માટે બોલી લગાવી શકે છે. સ્પિનર તરીકે તેઓ રાહુલ ચાહર અથવા વાનિન્દુ હસરંગા પર દાવ લગાવી શકે છે. મોહમ્મદ શમીને ટ્રેડ દ્વારા ટીમમાં સામેલ કરાયા છે.
  • રાજસ્થાન રોયલ્સ (RR)

  • બાકી પર્સ: ૧૬.૦૫ કરોડ (૧૨૫ કરોડ માંથી)

  • બાકી સ્લોટ્સ: ૯ (૧ વિદેશી)

  • લક્ષ્ય: RR એ ટ્રેડ દ્વારા રવીન્દ્ર જાડેજાને ટીમમાં લીધા છે. હવે તેમને એક સારો ભારતીય સ્પિનર જોઈએ છે, જે જાડેજાને સપોર્ટ કરી શકે. રવિ બિશ્નોઈ તેમના માટે મુખ્ય લક્ષ્ય હોઈ શકે છે. વિદેશી સ્લોટ માટે તેઓ એક ઝડપી રન બનાવનાર પાવર-હિટિંગ બેટ્સમેન જેમ કે ગ્લેન ફિલિપ્સ અથવા ડેથ ઓવર સ્પેશિયાલિસ્ટ ફાસ્ટ બોલર શોધી શકે છે.

  • સનરાઇઝર્સ હૈદરાબાદ (SRH)

  • બાકી પર્સ: ૨૫.૫૦ કરોડ (૧૨૫ કરોડ માંથી)

  • બાકી સ્લોટ્સ: ૧૦ (૨ વિદેશી)

  • લક્ષ્ય: SRH ને મિડલ ઓર્ડરને મજબૂત બનાવવા માટે અનુભવી બેટ્સમેન અને હર્ષ દુબે જેવા યુવા સ્પિનરને મદદ કરે તેવા અનુભવી સ્પિનરની જરૂર છે. મિડલ ઓર્ડરમાં તેઓ ડેવિડ મિલર અથવા સ્ટીવ સ્મિથ જેવા ખેલાડીઓ માટે પણ બોલી લગાવી શકે છે. ભારતીય ફાસ્ટ બોલરમાં મોહમ્મદ શમીની ટ્રેડ બાદ આકાશ દીપને પણ ટાર્ગેટ કરી શકે છે.

  • દિલ્હી કેપિટલ્સ (DC)

  • બાકી પર્સ: ૨૧.૮૦ કરોડ (૧૨૫ કરોડ માંથી)

  • બાકી સ્લોટ્સ: ૮ (૫ વિદેશી)

  • લક્ષ્ય: DC ને કેએલ રાહુલ સાથે એક ભરોસાપાત્ર ઓપનરની જરૂર છે. ડેવોન કોનવે જેવા વિદેશી ઓપનર પર નજર રાખી શકે છે. સ્ટાર્ક માટે એક સારો વિદેશી બેકઅપ ફાસ્ટ બોલર પણ તેમને જોઈશે, જેમાં જેસન બેહરેનડોર્ફ પર દાવ લગાવી શકાય. ભારતીય વિકલ્પોમાં તેઓ પૃથ્વી શો (જો સસ્તામાં મળે તો) અથવા દીપક હૂડા પર દાવ લગાવી શકે છે.

🌟 ઓક્શનનું અંતિમ પરિણામ: કોણ બનશે IPL ૨૦૨૬નો ચેમ્પિયન?

IPL ૨૦૨૬નું મિની-ઓક્શન દરેક ટીમ માટે પોતાની નબળાઈઓ દૂર કરવાની અને ટીમને મજબૂત બનાવવાની મોટી તક છે. KKR, CSK, અને SRH જેવી ટીમો પાસે મોટો ખર્ચ કરવાની ક્ષમતા હોવાથી તેઓ ‘ગેમ-ચેન્જર’ ખેલાડીઓ ખરીદી શકે છે, જ્યારે મુંબઈ અને પંજાબ જેવી ટીમોને વ્યૂહાત્મક રીતે નાના અને અસરકારક ખેલાડીઓ શોધવા પડશે. ભારતના ક્રિકેટ ચાહકો આ ઓક્શનની આતુરતાથી રાહ જોઈ રહ્યા છે, કારણ કે આ હરાજી જ નક્કી કરશે કે IPL ૨૦૨૬ની ટ્રોફી જીતવા માટે કઈ ટીમ સૌથી મજબૂત દાવેદાર બનશે.

0 comment
0 FacebookTwitterPinterestEmail
Lionel Messi ફૂટબોલના 'કિંગ' લિયોનેલ મેસીને મળ્યા શાહરૂખ ખાન, પુત્ર અબરામનું
ખેલ વિશ્વમનોરંજન

Lionel Messi: ફૂટબોલના ‘કિંગ’ લિયોનેલ મેસીને મળ્યા શાહરૂખ ખાન, પુત્ર અબરામનું રિએક્શન વાયરલ

by samadhan gothal
written by samadhan gothal

News Continuous Bureau | Mumbai
Lionel Messi આર્જેન્ટિનાના દિગ્ગજ ફૂટબોલર લિયોનેલ મેસી લગભગ ૧૪ વર્ષ પછી ભારત આવ્યા છે. તેમણે આજે સવારે ૧૧ વાગ્યે કોલકાતામાં ૭૦ ફૂટ ઊંચા સ્ટેચ્યુનું વર્ચ્યુઅલ ઉદ્ઘાટન કર્યું. આ દરમિયાન બોલિવૂડ સુપરસ્ટાર શાહરૂખ ખાન પણ તેમાં સામેલ થયા.

મેસી અને શાહરૂખની મુલાકાત

જ્યારે શાહરૂખ ખાન મેસીને મળી રહ્યા હતા, ત્યારે તેમની સાથે તેમના નાના પુત્ર અબરામ ખાન પણ હાજર હતા. મેસીને મળીને અબરામ ખૂબ ખુશ દેખાયો. કિંગ ખાન પણ મેસી સાથે ઉષ્માભેર મળતા નજરે પડ્યા. કિંગ ખાન અને ફૂટબોલર મેસીને એક સાથે એક જ મંચ પર જોવું ફેન્સ માટે કોઈ સપનાથી ઓછું નહોતું. સોશિયલ મીડિયા પર બંનેની મુલાકાતનો વીડિયો ખૂબ વાયરલ થઈ રહ્યો છે.

આ સમાચાર પણ વાંચો: World Energy Conservation Day: ૧૪ ડિસેમ્બર ‘વિશ્વ ઊર્જા સંરક્ષણ દિવસ’

મેસીની સાથે અન્ય ખેલાડીઓ

સ્ટાર ખેલાડી મેસી સાથે ઇન્ટર મિયામીના તેમના લાંબા સમયના પાર્ટનર લુઇસ સુઆરેઝ અને તેમના સાથી ખેલાડી રોડ્રિગો ડી પોલ પણ ભારત પ્રવાસે આવ્યા છે.મેસી માટે આ પ્રવાસ એવા શહેરમાં પરત ફરવા જેવો છે, જેનું તેમની ઇન્ટરનેશનલ જર્નીમાં એક ખાસ સ્થાન છે.આર્જેન્ટિનાના ખેલાડીએ છેલ્લીવાર ૨૦૧૦ માં કોલકાતામાં રમ્યા હતા, જ્યારે તેમણે FIFA ઇન્ટરનેશનલ ફ્રેન્ડલી મેચમાં પોતાની નેશનલ ટીમના કેપ્ટન તરીકે વેનેઝુએલાને ૧-૦ થી હરાવ્યું હતું.

0 comment
0 FacebookTwitterPinterestEmail
Syed Mushtaq Ali Trophy ભારતીય ક્રિકેટમાં ફિક્સિંગનું કનેક્શન, આ ૪ મોટા ખેલાડીઓ
ક્રિકેટખેલ વિશ્વ

Syed Mushtaq Ali Trophy: ભારતીય ક્રિકેટમાં ફિક્સિંગનું કનેક્શન, આ ૪ મોટા ખેલાડીઓ પર સસ્પેન્શનની તલવાર, FIR પણ દાખલ!

by samadhan gothal
written by samadhan gothal

News Continuous Bureau | Mumbai
Syed Mushtaq Ali Trophy સૈયદ મુશ્તાક અલી ટ્રોફી (SMAT) ની વર્તમાન સીઝન વચ્ચે એક એવી ખબર સામે આવી છે, જેણે ભારતીય ઘરેલુ ક્રિકેટમાં હલચલ મચાવી દીધી છે. આસામના ચાર ખેલાડીઓ પર ભ્રષ્ટ ગતિવિધિઓમાં સામેલ થવાના ગંભીર આરોપ લાગ્યા છે. આસામ ક્રિકેટ એસોસિએશને (ACA) આ મામલાને અત્યંત ગંભીરતાથી લઈને ચાર ખેલાડીઓને તાત્કાલિક અસરથી સસ્પેન્ડ કરી દીધા છે

કયા ખેલાડીઓ સસ્પેન્ડ થયા?

સસ્પેન્ડ કરાયેલા ખેલાડીઓમાં અમિત સિંહા, ઇશાન અહમદ, અમન ત્રિપાઠી અને અભિષેક ઠાકુરી નો સમાવેશ થાય છે. આ ખેલાડીઓ પર આરોપ છે કે તેમણે ૨૬ નવેમ્બરથી ૮ ડિસેમ્બર સુધી લખનઉમાં સૈયદ મુશ્તાક અલી ટ્રોફી ૨૦૨૫-૨૬ માં ભાગ લેનારા આસામ ટીમના ખેલાડીઓને પ્રભાવિત કરવા અને ખોટી ગતિવિધિઓ માટે ઉશ્કેરવાનો પ્રયાસ કર્યો. ACA ના સચિવ એ જણાવ્યું કે તપાસમાં પ્રાથમિક દ્રષ્ટિએ એવા પુરાવા મળ્યા છે, જે આ ખેલાડીઓની સંડોવણી તરફ ઈશારો કરે છે અને જે સીધા જ રમતની નિષ્પક્ષતા અને વિશ્વસનીયતાને જોખમમાં મૂકે છે.

FIR દાખલ અને BCCI તપાસમાં સામેલ

આસામ ક્રિકેટ એસોસિએશને આ મામલે સખત વલણ અપનાવ્યું છે. મામલાની ગંભીરતાને જોતા ગુવાહાટીની ક્રાઇમ બ્રાન્ચમાં FIR નોંધાવવામાં આવી છે. ભારતીય ક્રિકેટ કંટ્રોલ બોર્ડ (BCCI) ની એન્ટી કરપ્શન એન્ડ સિક્યુરિટી યુનિટ (ACSU) એ પણ આ સમગ્ર મામલાની પ્રારંભિક તપાસ કરી લીધી છે. ACA પોલીસ પ્રશાસન અને BCCI ની એન્ટી કરપ્શન યુનિટ સાથે સંપૂર્ણ સહયોગ કરી રહ્યું છે.

આ સમાચાર પણ વાંચો: Parliament attack: સંસદ હુમલાના ૨૪ વર્ષ! PM મોદી, રાહુલ ગાંધી સહિતના નેતાઓએ શહીદોના બલિદાનને નમન કર્યું!

સસ્પેન્શનનો અવકાશ

સસ્પેન્ડેડ ખેલાડીઓમાંથી અભિષેક ઠાકુરી અને અમિત સિંહા જેવા ખેલાડીઓ તો ફર્સ્ટ ક્લાસ ક્રિકેટ પણ રમી ચૂક્યા છે. ચારેય ખેલાડીઓનું સસ્પેન્શન તપાસ પૂરી થવા અથવા આગામી આદેશ સુધી પ્રભાવી રહેશે. આ સમયગાળા દરમિયાન ચારેય ખેલાડીઓ ACA, તેની જિલ્લા એકમો અને તેનાથી જોડાયેલા ક્લબો દ્વારા આયોજિત કોઈ પણ રાજ્ય સ્તરીય ટુર્નામેન્ટમાં ભાગ લઈ શકશે નહીં.એટલું જ નહીં, તેમને કોચિંગ કે અમ્પાયરિંગ જેવી ક્રિકેટ સાથે જોડાયેલી કોઈ પણ ભૂમિકાથી પણ દૂર રાખવામાં આવ્યા છે.

0 comment
0 FacebookTwitterPinterestEmail
Lionel Messi ભારતમાં મેસીનો જાદુ ફૂટબોલ સ્ટારને જોવા માટે લોકોની દીવાનગી
ખેલ વિશ્વ

Lionel Messi: ભારતમાં મેસીનો જાદુ ફૂટબોલ સ્ટારને જોવા માટે લોકોની દીવાનગી, મહિલા પ્રશંસકે રદ કર્યું હનીમૂન

by samadhan gothal
written by samadhan gothal

News Continuous Bureau | Mumbai
Lionel Messi આર્જેન્ટિનાના જાણીતા ફૂટબોલ ખેલાડી લિયોનેલ મેસી ભારતની યાત્રા પર છે. યાત્રાના પહેલા દિવસે તેઓ કોલકાતા પહોંચ્યા. કોલકાતાના સોલ્ટ લેક સ્ટેડિયમમાં તેમના ચાહકો કતારમાં ઉભા છે. આ તેમના ‘ગ્રેટસ્ટ ઑફ ઑલ ટાઇમ ટૂર ઇન્ડિયા-૨૦૨૫’ (GOAT India Tour 2025) ના પ્રથમ તબક્કાનો ભાગ છે. આ પ્રવાસ અંતર્ગત ટૂંક સમયમાં ‘મુલાકાત અને અભિવાદન કાર્યક્રમ’ અને તેમની પ્રતિમાનું ડિજિટલ માધ્યમથી ઉદ્ઘાટન થવાનું છે.

હનીમૂન રદ કરી મેસીને જોવા પહોંચ્યા ફેન્સ

કોલકાતાના હયાત રિજન્સી હોટલની બહાર પણ તેમના ચાહકો મોટી સંખ્યામાં એકઠા થયા હતા.તેમના એક પ્રશંસકે કહ્યું, “અમારા હાલમાં જ લગ્ન થયા છે, પરંતુ મેસીના આગમન પર અમે અમારો હનીમૂન પ્લાન રદ કરી દીધો છે, કારણ કે સૌથી પહેલા અમે મેસીને જોવા માંગીએ છીએ. અમે તેમને જોવા માટે ખૂબ ઉત્સાહિત છીએ અને છેલ્લા ૧૦-૧૨ વર્ષથી તેમને ફોલો કરી રહ્યા છીએ.

GOAT ઇન્ડિયા ટૂર ૨૦૨૫

આઠ વખત બેલોન ડી’ઓર જીતનાર મેસી આ વખતે GOAT ઇન્ડિયા ટૂર ૨૦૨૫ માં ફૂટબોલ રમવાના નથી. આ સંપૂર્ણપણે પ્રચાર અને વ્યવસાયિક રીતે આયોજિત કાર્યક્રમ છે, જે શનિવારે કોલકાતામાં શરૂ થશે અને સોમવારે નવી દિલ્હીમાં સમાપ્ત થશે.અગાઉ ૨૦૧૧ માં મેસી છેલ્લીવાર કોલકાતાના સોલ્ટ લેક સ્ટેડિયમમાં આવ્યા હતા. ત્યારે ફીફા મૈત્રી મેચમાં આર્જેન્ટિનાએ વેનેઝુએલાને ૧-૦ થી હરાવ્યું હતું.

આ સમાચાર પણ વાંચો: Thailand: ટ્રમ્પની મધ્યસ્થી નિષ્ફળ થાઈલેન્ડ-કંબોડિયાની સરહદ પર ફરી યુદ્ધ જેવી સ્થિતિ, બોમ્બમારાથી જનજીવન અસ્તવ્યસ્ત!

૪ શહેરોનો પ્રવાસ અને VIP મુલાકાત

માહિતી મુજબ, આયોજકોએ સોલ્ટ લેક સ્ટેડિયમમાં યોજાનાર કાર્યક્રમ માટે ૭૮,૦૦૦ સીટો સુરક્ષિત રાખી છે.મેસી શનિવારે ૪૫ મિનિટ સુધી ચાલનારા એક કાર્યક્રમમાં ભાગ લેશે. આ કાર્યક્રમ માટે ટિકિટની કિંમત ₹૭,૦૦૦ સુધી છે. મેસી ભારતમાં ૭૨ કલાકથી પણ ઓછા સમય માટે રોકાશે, પરંતુ આ દરમિયાન તેઓ ચાર મહાનગરો કોલકાતા, હૈદરાબાદ, મુંબઈ અને દિલ્હી ની મુલાકાત લેશે.તેમના આ સંક્ષિપ્ત પ્રવાસ દરમિયાન મુખ્યમંત્રીઓ, કોર્પોરેટ જગતના દિગ્ગજો, બોલિવૂડ હસ્તીઓ અને અહીં સુધી કે વડાપ્રધાન નરેન્દ્ર મોદી સાથે નિર્ધારિત બેઠક પણ શામેલ છે.

0 comment
0 FacebookTwitterPinterestEmail
Ashes 2025-26
ક્રિકેટMain PostTop Postખેલ વિશ્વ

Ashes 2025-26: 1936-37 માં 0-2ની હારને ઑસ્ટ્રેલિયાએ 3-2થી પલટી! શું બેન સ્ટોક્સની ઇંગ્લેન્ડ 89 વર્ષ જૂનો ઇતિહાસ દોહરાવશે?

by Yug Parmar
written by Yug Parmar

News Continuous Bureau | Mumbai

⏳ ઇતિહાસનું પુનરાવર્તન: જ્યારે બ્રેડમેનની ટીમ 0-2 થી પાછળ હતી

Ashes 2025-26: વર્તમાન પરિસ્થિતિ બરાબર 1936-37 માં રમાયેલી ઐતિહાસિક એશિઝ શ્રેણી જેવી જ છે, જોકે આ વખતે ભૂમિકાઓ ઊલટી છે. તે સમયે, ઇંગ્લેન્ડે પ્રથમ બે ટેસ્ટ જીતીને ઑસ્ટ્રેલિયાને 0-2 થી પાછળ ધકેલી દીધું હતું. બાકીની ત્રણ મેચોમાં શ્રેણી બચાવવાનો મહા પડકાર તે સમયના નવા કપ્તાન સર ડોન બ્રેડમેન સામે હતો. હવે, 2025-26 ની વર્તમાન શ્રેણીમાં ઑસ્ટ્રેલિયાએ 2-0 ની લીડ મેળવી લીધી છે અને બાકીની ત્રણ મેચો જીતવાનો એ જ પડકાર બેન સ્ટોક્સની કપ્તાની હેઠળની ઇંગ્લેન્ડની ટીમ સામે છે.

સર ડોન બ્રેડમેને જેમ ઇતિહાસ રચ્યો હતો, તેમ બેન સ્ટોક્સની ટીમે પણ હવે તે જ ઇતિહાસનું પુનરાવર્તન કરવું પડશે. 1936-37 માં, ઇંગ્લેન્ડે પ્રથમ બે ટેસ્ટ જીતીને ઑસ્ટ્રેલિયાને 0-2 થી પાછળ ધકેલી દીધું હતું. ત્યારબાદ, કપ્તાન ડોન બ્રેડમેને જબરદસ્ત વ્યૂહાત્મક ફેરફારો કર્યા અને શાનદાર બેટિંગનું પ્રદર્શન કર્યું (ખાસ કરીને ત્રીજી ટેસ્ટમાં તેમનો 270 રનનો ઐતિહાસિક દાવ). આના પરિણામે, ઑસ્ટ્રેલિયાએ છેલ્લી ત્રણ ટેસ્ટ જીતીને શ્રેણી 3-2 થી પોતાના નામે કરી હતી.

યાદ રહે: પાંચ મેચની ટેસ્ટ શ્રેણીમાં 0-2 થી પાછળ રહ્યા પછી 3-2 થી જીત મેળવનાર તે એકમાત્ર ટીમ છે. આ જ પડકાર હવે બેન સ્ટોક્સ સામે છે.

બેન સ્ટોક્સ અને બ્રેન્ડન મેક્કુલમ પર દબાવ: ‘બૅઝબૉલ’ની આકરી ટીકા

વર્તમાન હાર બાદ ઇંગ્લેન્ડના કપ્તાન બેન સ્ટોક્સ અને કોચ બ્રેન્ડન મેક્કુલમની ‘બૅઝબૉલ’ ફિલોસોફી પર આકરી ટીકા થઈ રહી છે.

  • કપ્તાનનો જવાબ: 0-2 થી પાછળ પડ્યા પછી સ્ટોક્સે હાર માનવાનો ઇનકાર કર્યો છે. તેમણે કહ્યું કે “આ ડ્રેસિંગ રૂમ ‘નબળા પુરુષો’ માટે નથી.” તેમણે એમ પણ કહ્યું કે તેઓ હજી પણ શ્રેણી જીતવાનો વિશ્વાસ ધરાવે છે.

  • કોચનો વિવાદિત દાવો: કોચ બ્રેન્ડન મેક્કુલમમે હારનું વિચિત્ર કારણ આપતાં કહ્યું કે ટીમ ‘ઓવર પ્રિપેર્ડ’ (Overprepared) હતી. તેમણે કહ્યું કે પાંચ દિવસની સઘન તાલીમે ખેલાડીઓને માનસિક રીતે થકવી દીધા હતા.

  • નિષ્ફળ બેટિંગ: બૅઝબૉલના આક્રમક અભિગમને કારણે ઇંગ્લિશ બેટ્સમેનોમાં ધીરજનો અભાવ જોવા મળ્યો. બીજી ટેસ્ટમાં જો રૂટના સદી સિવાય, માત્ર પાંચ બેટ્સમેન જ 50થી વધુ બોલનો સામનો કરી શક્યા હતા, જે દર્શાવે છે કે તેઓ દબાણ સામે ટકી શક્યા નથી.

🏆 સ્ટોક્સનો ધ્યેય: ઇતિહાસને જીવંત કરવો અને ‘બૅઝબૉલ’ સાબિત કરવું

બેન સ્ટોક્સ અને ઇંગ્લેન્ડની ટીમ હવે બાકીની ત્રણ નિર્ણાયક મેચો (એડીલેડ, મેલબોર્ન અને સિડની) માં વિજય મેળવીને માત્ર શ્રેણી બચાવવા નહીં, પણ ઇતિહાસ રચવા માટે તૈયાર છે. આ જીત માત્ર ક્રિકેટના રેકોર્ડ માટે નહીં, પણ સ્ટોક્સની કપ્તાની હેઠળની ‘બૅઝબૉલ’ ફિલોસોફીને સાબિત કરવા માટે પણ મહત્વપૂર્ણ છે.

જો ઇંગ્લેન્ડ હવે આ કમબૅક કરી શકે છે, તો તે ક્રિકેટ જગતમાં એક સંદેશ આપશે કે આક્રમક અભિગમ (Aggressive Approach) ટેસ્ટ ક્રિકેટના સૌથી મોટા દબાણ સામે પણ ટકી શકે છે. આ જીત ‘બૅઝબૉલ’ની ટીકાઓને ચૂપ કરવા અને આધુનિક ક્રિકેટમાં ટેસ્ટના મૂલ્યોને પુનર્સ્થાપિત કરવા માટે પણ નિર્ણાયક બનશે. ઇંગ્લેન્ડ જાણે છે કે જો તેઓ પ્રથમ બે મેચમાં કરેલી ભૂલોને સુધારે અને ડોન બ્રેડમેનની જેમ માનસિક મજબૂતી દાખવે, તો ઇતિહાસનું પુનરાવર્તન થઈ શકે છે.

👑 અંતિમ પડકાર: બ્રેડમેનના વારસાને સાકાર કરવો અને અશક્યને શક્ય બનાવવું

ક્રિકેટ ઇતિહાસે સાબિત કર્યું છે કે 0-2 થી પાછળ પડ્યા પછી શ્રેણી જીતવી શક્ય છે, અને તે પણ એશિઝ જેવી મહત્ત્વની શ્રેણીમાં. ડોન બ્રેડમેને 1937માં પોતાની ટીમના સંક્રમણ કાળમાં સાબિત કર્યું હતું કે અશક્ય જેવું કંઈ નથી.

હવે, સવાલ એ છે કે શું બેન સ્ટોક્સનું ‘બૅઝબૉલ’ બ્રેડમેનની જેમ દબાણ અને ટીકા સામે ટકી શકશે? શું સ્ટોક્સ આક્રમક રમતની સાથે સાથે બ્રેડમેનની વ્યૂહાત્મક સૂઝ પણ દાખવશે? ઇતિહાસે દરવાજો ખોલી દીધો છે અને તે ઇંગ્લેન્ડ માટે એકમાત્ર આશાનું કિરણ છે. બાકીની ત્રણ ટેસ્ટ મેચો માત્ર રમત નહીં, પણ બેન સ્ટોક્સની કેપ્ટનશીપ, ‘બૅઝબૉલ’ની માનસિકતા અને એક ટીમ તરીકે તેમની લડાયક ભાવનાની અંતિમ કસોટી હશે. જો તેઓ આ કરી શકશે, તો આ કમબૅક બ્રેડમેનના વારસા જેટલો જ ભવ્ય અને ચિરસ્મરણીય ગણાશે.

0 comment
0 FacebookTwitterPinterestEmail
Puducherry પુડુચેરીમાં ક્રિકેટ ટીમમાં સીધો પ્રવેશ, BCCIની નાક નીચે મોટો ગોટાળો, કોણ
ખેલ વિશ્વ

Puducherry: પુડુચેરીમાં ક્રિકેટ ટીમમાં સીધો પ્રવેશ, BCCIની નાક નીચે મોટો ગોટાળો, કોણ છે આ સ્કેમનો માસ્ટરમાઇન્ડ?

by aryan sawant
written by aryan sawant

News Continuous Bureau | Mumbai

Puducherry  ભારતીય ક્રિકેટનો પાયો બીસીસીઆઈ (BCCI) સંભાળે છે, પરંતુ પુડુચેરીમાં એક અલગ જ ચિત્ર સામે આવ્યું છે. અહીં બીસીસીઆઈની નાક નીચે એક ચોંકાવનારું કૌભાંડ ચાલી રહ્યું છે, જેના કારણે ખરા ટેલેન્ટ ધરાવતા સ્થાનિક ખેલાડીઓને તક મળી રહી નથી.

નકલી ડોમિસાઇલ દ્વારા પ્રવેશ

પુડુચેરીમાં ટીમમાં પ્રવેશ મેળવવા માટે સીધો શોર્ટકટનો ઉપયોગ થઈ રહ્યો છે. ખાનગી ક્રિકેટ એકેડમીના કોચો દ્વારા એક સમાંતર ગેરકાયદેસર વ્યવસ્થા ચલાવવામાં આવી રહી છે.આ લોકો મોટા પ્રમાણમાં રકમ લઈને અન્ય રાજ્યોના ક્રિકેટરોને બનાવટી સરનામાંના પુરાવા અને ખોટા એલિજિબિલિટી સર્ટિફિકેટ પૂરા પાડે છે.આ પેકેજની કિંમત ₹૧.૨ લાખ કે તેથી વધુ હોય છે. આ રીતે, બહારના ખેલાડીઓ બીસીસીઆઈની ફરજિયાત એક વર્ષના નિવાસસ્થાનની જરૂરિયાત પૂરી કરીને સ્થાનિક ખેલાડી તરીકે પોતાને રજિસ્ટર કરાવે છે.

તપાસમાં મોટો ખુલાસો

એક તપાસમાં આ સમગ્ર કૌભાંડનો પર્દાફાશ થયો છે. ત્રણ મહિનાની તપાસમાં ૨૦૦૦ થી વધુ ખેલાડીઓના રજિસ્ટ્રેશન ફોર્મની ચકાસણી કરવામાં આવી હતી. આ છેતરપિંડીનું સૌથી મોટું ઉદાહરણ એ છે કે વિવિધ ટીમોમાં રમતા ૧૭ ‘સ્થાનિક’ ખેલાડીઓ એક જ આધાર કાર્ડના સરનામાંનો ઉપયોગ કરી રહ્યા હતા. તપાસમાં માલુમ પડ્યું કે મકાનમાલિકે ભાડું ન ચૂકવવા બદલ આ ખેલાડીઓને મહિનાઓ પહેલા જ ઘરમાંથી કાઢી મૂક્યા હતા.

આ સમાચાર પણ વાંચો : Alliance Air: એર ઇન્ડિયાના વેચાણ બાદ પણ ભારતની આ એરલાઇન પર સરકારનો કંટ્રોલ, ૬૦ ડેસ્ટિનેશન પર તેની સર્વિસ!

પુડુચેરીના ખેલાડીઓને અન્યાય

આ ગેરકાયદેસર વ્યવસ્થાને કારણે પુડુચેરીમાં જન્મેલા અને રહેતા ખેલાડીઓની તકો છીનવાઈ રહી છે.છેલ્લા ચાર વર્ષમાં પુડુચેરીએ ૨૯ રણજી મેચ રમી છે, પરંતુ તેમાં માત્ર ૪ ખેલાડીઓ જ પુડુચેરીમાં જન્મેલા હતા. આ સિઝનની વીનુ માંકડ ટ્રોફીની પ્રથમ મેચમાં ૧૧ ખેલાડીઓમાંથી ૯ ખેલાડીઓ બહારના રાજ્યોના હતા, જેમને સ્થાનિક ખેલાડી તરીકે મેદાનમાં ઉતારવામાં આવ્યા હતા.

0 comment
0 FacebookTwitterPinterestEmail
T20 World Cup 2026
Main PostTop Postક્રિકેટખેલ વિશ્વ

T20 World Cup 2026: ક્રિકેટ દેખાડવા મામલે પૈસાનો લોચો: ICCને JioStarનો ઝટકો, ૨૫,૭૬૦ કરોડનું નુકસાન!

by Yug Parmar
written by Yug Parmar

News Continuous Bureau | Mumbai

T20 World Cup 2026: ઇન્ટરનેશનલ ક્રિકેટ કાઉન્સિલ (ICC) પર એક મોટું નાણાકીય સંકટ આવી ગયું છે. રિલાયન્સ ઇન્ડસ્ટ્રીઝની માલિકી ધરાવતી ચેનલ JioStar એ ICCને સ્પષ્ટ જણાવી દીધું છે કે તે ભારત માટેના ક્રિકેટ મેચોના પ્રસારણ અધિકારોના બાકીના બે વર્ષનો કરાર પૂરો કરી શકશે નહીં. JioStar એ આ નિર્ણયનું કારણ ઘણું મોટું નુકસાન અને અન્ય ભારતીય મીડિયા કંપનીઓ સાથેના તેના જોડાણને આપ્યું છે. ICC મેન્સ T20 વર્લ્ડ કપ ૨૦૨૬ જેવી મોટી ટૂર્નામેન્ટ્સ પહેલા આ સમાચાર આવ્યા છે, જે આંતરરાષ્ટ્રીય ક્રિકેટ સંસ્થા માટે મોટી ચિંતાનો વિષય બન્યો છે.

મોટા નુકસાન બાદ જિયોસ્ટારનો યુ-ટર્ન

ઇકોનોમિક ટાઇમ્સના અહેવાલ મુજબ, JioStar નો આ નિર્ણય તેના સતત વધી રહેલા નાણાકીય નુકસાનના અંદાજોને કારણે આવ્યો છે.

  • વિશાળ નુકસાન: ૨૦૨૪-૨૫ માટે JioStar એ ₹૨૫,૭૬૦ કરોડનું “કષ્ટદાયક સ્પોર્ટ્સ કોન્ટ્રેક્ટ્સ” (onerous sports contracts) પર નુકસાન અંદાજ્યું છે, જે ૨૦૨૩-૨૪ના ₹૧૨,૩૧૯ કરોડના અંદાજ કરતા બમણું છે. ICC ડીલ આ નુકસાનનો મુખ્ય ભાગ છે.

  • રૂપિયાનું અવમૂલ્યન: ICCને ચૂકવણી ડોલરમાં થાય છે, અને રૂપિયાના સતત ઘટાડા (ડોલર સામે ૯૦ રૂપિયાને પાર) થવાને કારણે JioStar પર $૩.૩ બિલિયનનો બોજ પડ્યો છે, જ્યારે ડીલ $૩ બિલિયનની હતી.

ICCની તાત્કાલિક કાર્યવાહી અને નવા પ્રસારકની શોધ

JioStarની આ નાણાકીય કટોકટી ઘણા પરિબળોનું પરિણામ છે:

  • રીયલ-મની ગેમિંગ (RMG) પ્રતિબંધ: આ વર્ષની શરૂઆતમાં રીયલ-મની ગેમિંગ પર પ્રતિબંધ મૂકવામાં આવ્યો હતો. આ ઉદ્યોગ ક્રિકેટ માટે જાહેરાતનો મુખ્ય સ્ત્રોત હતો.

  • જાહેરાતની ખોટ: RMG પ્રતિબંધને કારણે રમત માટે જાહેરાતમાં ₹૭,૦૦૦ કરોડનો મોટો ગેપ સર્જાયો છે. ભલે પરંપરાગત બ્રાન્ડ્સ પાછી ફરી રહી હોય, તેઓ RMG કંપનીઓની જાહેરાત ખર્ચની ભરપાઈ કરી શકી નથી.

  • ભાવિ કરારોનો બોજ: JioStarને “હાઇ-લિવરેજ્ડ અને અપેક્ષા કરતા ઓછા વળતરવાળા” લોંગ-ટર્મ સ્પોર્ટ્સ અને એન્ટરટેઈનમેન્ટ કન્ટેન્ટના અધિકારો ખરીદવા દબાણ કરવામાં આવ્યું હતું, જેણે નાણાકીય સ્થિતિ વધુ બગાડી.

  • ઝી એન્ટરટેઇનમેન્ટનો પાછો ખેંચાવાનો નિર્ણય: ઝી-SPNI મર્જરના ભંગાણ બાદ ઝી એન્ટરટેઇનમેન્ટે ICC ટીવી રાઇટ્સ (અંદાજે $૧.૫ બિલિયન) લેવાની પ્રતિબદ્ધતામાંથી પીછેહઠ કરી. આનાથી JioStar પરનો બોજ વધુ વધ્યો અને તેણે ઝી વિરુદ્ધ આર્બિટ્રેશન (મધ્યસ્થી) શરૂ કર્યું છે.

૮૦% આવક ભારતના બજારમાંથી: વૈશ્વિક ક્રિકેટ પર અસર

ICC તેની ૮૦% આવક ભારતીય મીડિયા અધિકારોમાંથી મેળવે છે, જે દર્શાવે છે કે વૈશ્વિક ક્રિકેટ માટે ભારતીય બજાર કેટલું મહત્ત્વનું છે. આ કટોકટી ICCના ભવિષ્ય માટે ગંભીર પ્રશ્નો ઉભા કરે છે. ઇન્ટરનેશનલ ક્રિકેટ કાઉન્સિલ આશા રાખી રહી છે કે આ પડકારમાંથી ઝડપથી બહાર નીકળી શકાશે અને ભારતીય ક્રિકેટ ચાહકોને આગામી મોટી ટુર્નામેન્ટ્સનો રોમાંચ અવિરતપણે માણવા મળશે.

આર્થિક સંકટનું અંતિમ પરિણામ: ભારતની ક્રિકેટ યાત્રા પર પ્રશ્નાર્થ?

ICC અને JioStar વચ્ચેનો આ પ્રસારણ અધિકારોનો જટિલ મામલો ભારતીય ક્રિકેટ ચાહકો માટે ચિંતાનો વિષય છે. ઇકોનોમિક ટાઇમ્સના અહેવાલ મુજબ, JioStar દ્વારા કરોડોના નુકસાનનો દાવો અને નવા બ્રોડકાસ્ટરનો અભાવ વૈશ્વિક ક્રિકેટના આર્થિક ભવિષ્ય પર પ્રશ્નાર્થ ઊભા કરે છે. આગામી સમયમાં ICC આ પડકારનો સામનો કેવી રીતે કરે છે અને ભારતીય ક્રિકેટના ભવિષ્ય માટે કયા ઉકેલો શોધે છે તે જોવું રસપ્રદ રહેશે.

0 comment
0 FacebookTwitterPinterestEmail
Newer Posts
Older Posts