ન્યુઝ કન્ટિન્યુઝ બ્યુરો
મુંબઈ,19 જાન્યુઆરી 2022
બુધવાર
ટીવી પછી મૌની રોય ફિલ્મોમાં પોતાનો જાદુ ચલાવી રહી છે. મૌની રોય તેના લગ્નને લઈને સોશિયલ મીડિયા પર સતત ચર્ચામાં છે. એવા અહેવાલો છે કે તે 27 જાન્યુઆરીએ સૂરજ નામ્બિયાર સાથે સાત ફેરા લેવા જઈ રહી છે. અહેવાલો અનુસાર, કપલે ગોવામાં ડેસ્ટિનેશન વેડિંગનું આયોજન કર્યું છે. હવે તેમના લગ્નને લઈને એક નવું અપડેટ સામે આવ્યું છે.
મીડિયા રિપોર્ટ્સ મુજબ મૌની રોય ગોવામાં બિઝનેસમેન સૂરજ નામ્બિયાર સાથે લગ્ન કરી રહી છે. એક મીડિયા માં પ્રકાશિત અહેવાલ મુજબ, બંને છેલ્લા બે વર્ષથી એકબીજાને ડેટ કરી રહ્યા છે. મૌની અને સૂરજના લગ્ન ડબલ્યુ ગોવાની હોટેલમાં થઈ રહ્યા છે અને લગ્નના ફંક્શન 23 જાન્યુઆરીથી 27 જાન્યુઆરી સુધી ચાલશે. હાલમાં મૌની જ્યાં રહે છે તે જ બિલ્ડિંગમાં આ કપલે એક મોટો ફ્લેટ પણ ખરીદ્યો છે. હાલ માં તેનું ઈન્ટીરીયર નું કામ ઝડપથી થઈ રહ્યું છે.મંદિરા બેદી, આશકા ગરોડિયા, મીટ બ્રધર્સ, કોરિયોગ્રાફર રાહુલ અને પ્રતિક, ફેશન ડિઝાઇનર અનુ ખુરાના આ સેલેબ્સ મૌની રોય અને સૂરજ નામ્બિયારના લગ્નમાં હાજરી આપવાના છે. તે જ સમયે, મુંબઈમાં સંગીત પાર્ટીના ડાન્સ રિહર્સલ કરવામાં આવી રહ્યા છે. તમને જણાવી દઈએ કે મૌની અને સૂરજ પહેલીવાર 2019ની ન્યૂ યર પાર્ટીમાં દુબઈની એક નાઈટ ક્લબમાં મળ્યા હતા.
મૌની રોય ને નામ્બિયાર પરિવાર દ્વારા તરત જ પસંદ કરવામાં આવી હતી . નાગિન અભિનેત્રી સૂરજની માતા રેણુકા નામ્બિયાર અને પિતા રાજા નામ્બિયાર સાથે ખૂબ જ સારું બોન્ડ શેર કરે છે. આ સિવાય સૂરજનો ભાઈ નીરજ અને તેની પત્ની મૌનીના ઘણા સારા મિત્રો બની ગયા છે. મૌની રોય લગ્નના સમાચાર વચ્ચે પાંચ વર્ષ પછી ટીવી પર કમબેક કરી રહી છે. મૌની ડાન્સ ઈન્ડિયા ડાન્સ લિટલ માસ્ટર્સ સીઝન 5માં જજ તરીકે જોવા મળશે.
