Thursday, February 2, 2023
Home મનોરંજન તુનિષા શર્મા કેસ: શીઝાન ખાનની બહેન હોસ્પિટલમાં દાખલ, અભિનેતાની માતાએ કહ્યું- ‘અમારો ગુનો શું છે?

તુનિષા શર્મા કેસ: શીઝાન ખાનની બહેન હોસ્પિટલમાં દાખલ, અભિનેતાની માતાએ કહ્યું- ‘અમારો ગુનો શું છે?

તુનિષા શર્માની આત્મહત્યાના મામલે જેલમાં બંધ શેઝાન ખાનની બહેન ફલક નાઝ હોસ્પિટલમાં દાખલ છે. શીજાન ખાનની માતાએ આ માહિતી આપી છે.

by AdminZ
sheezan khan sister falaq naaz hospitalized

News Continuous Bureau | Mumbai

ટીવી એક્ટ્રેસ તુનિષા શર્મા એ ગયા મહિને ડિસેમ્બરમાં પોતાની સિરિયલના શૂટિંગ સેટ પર આત્મહત્યા કરી લીધી હતી. આ મામલે ટીવી એક્ટર શીઝાન ખાનને આત્મહત્યા માટે ઉશ્કેરવા બદલ ધરપકડ કરવામાં આવી હતી અને તે આ દિવસોમાં જેલમાં છે. દરમિયાન, શીઝાન ખાનની માતા કહકશાન ફૈઝી એ તેના સોશિયલ મીડિયા પર એક ભાવનાત્મક પોસ્ટ શેર કરી છે અને એ પણ જણાવ્યું છે કે તેની પુત્રી ફલક નાઝ હોસ્પિટલમાં દાખલ છે. કહકશાન ફૈઝી એ ફલક નાઝ ની એક તસવીર શેર કરી છે જેમાં તે હોસ્પિટલમાં જોવા મળી રહી છે.

શીઝાન ખાનની માતા એ લખી એક લાગણીશીલ પોસ્ટ 

શીઝાન ખાનની માતા કહકશાન ફૈઝીએ તેના ઈન્સ્ટાગ્રામ એકાઉન્ટ સ્ટોરી પર પુત્રી ફલક નાઝ ની તસવીર શેર કરી છે. આમાં તમે જોઈ શકો છો કે તે હોસ્પિટલના બેડ પર જોવા મળી રહી છે. કહકશાન ફૈઝી એ પોતાના ઈન્સ્ટાગ્રામ એકાઉન્ટ ની સ્ટોરી પર લખ્યું છે કે, ‘મને સમજાતું નથી કે અમારા પરિવારને શેની સજા થઈ રહી છે અને શા માટે? મારો પુત્ર શીજાન છેલ્લા 1 મહિનાથી એક પણ પુરાવા વગર કેદીઓ ની જેમ જેલમાં સજા કાપી રહ્યો છે. મારી બાળકી ફલક હોસ્પિટલમાં દાખલ છે,શીઝાન નો નાનો ભાઈ જે બાળક છે તે બીમાર છે. શું માતા માટે બીજાના બાળકને માતા તરીકે પ્રેમ કરવો એ ગુનો છે?’ શીઝાન ખાનની માતાએ આગળ લખ્યું, ‘શું ફલક માટે તુનીશાને નાની બહેનની જેમ પ્રેમ કરવો એ ગુનો હતો કે ભૂલ? કે પછી શીઝાન અને તુનીષા ને તેમના સંબંધોમાં બ્રેકઅપ કે સ્પેસ આપવી એ ગુનો હતો કે તે પણ ખોટું હતું? શું આપણને એ છોકરીને પ્રેમ કરવાનો હક ન હતો કેમ કે અમે મુસલમાન છીએ? અમારો ગુનો શું છે?’

jagran

શીઝાન ખાનની તુનીષા શર્મા આત્મહત્યા કેસમાં થઇ હતી ધરપકડ 

ઉલ્લેખનીય છે કે, 24 ડિસેમ્બરે તુનીષા શર્માએ તેની સીરિયલ ‘અલી બાબા: દાસ્તાન-એ-કાબુલ’ના સેટ પર ફાંસી લગાવીને આત્મહત્યા કરી લીધી હતી. આ પછી પોલીસે 25 ડિસેમ્બરે શીજાન ખાનની ધરપકડ કરી હતી. જણાવી દઈએ કે 13 જાન્યુઆરી એ વસઈ કોર્ટે શીઝાન ની જામીન અરજી ફગાવી દીધી હતી.

Join Our WhatsApp Community

You may also like

ન્યૂઝ કંટીન્યૂઝ વિશે

News Continuous is created to spread authentic, accurate and correct news across platforms. This news venture is managed by experienced journalists. Drop an email for collaborations.

Newsletter

Subscribe my Newsletter for new blog posts, tips & new photos. Let's stay updated!

To explore your career & collaborate with us pls write to us on following email id newscontinuous@hotmail.com

@2022 – All Right Reserved. Designed and Developed by News Continuous