SUBDOMAIN == gujarati

આંતરરાષ્ટ્રીય

આ દેશમાં હવે બિટકૉઇન થઈ ગયું સત્તાવાર ચલણ; જાણો વિગત

Jun, 10 2021


ન્યુઝ કન્ટિન્યુઝ બ્યુરો

મુંબઈ, ૧૦ જૂન ૨૦૨૧

ગુરુવાર

મધ્ય અમેરિકામાં આવેલા એલ સાલ્વાડરે બિટકૉઇનને સત્તાવાર ચલણ તરીકે માન્યતા આપી દીધી છે. બુધવારે એની સંસદે બિટકૉઇનને સત્તાવાર ચલણનો દરજ્જો આપવાના પ્રમુખ નયીબ બુકેલેના પ્રસ્તાવને મંજૂરી આપી હતી. બુકેલે સ્થાનિક મીડિયાને કહ્યું છે કે તેમનો ઉદ્દેશ નાણાકીય સમાવેશકતાને પ્રોત્સાહન આપવાનો છે.

આ અનુસાર હવે તમામ વેપારી સંસ્થાઓએ માલસામાન અને સેવાના બદલામાં બિટકૉઇન સ્વીકારી શકશે. જે લોકો આ ચલણમાં વ્યવહાર કરવાનું જોખમ લેવા ન માગતા હોય તેમને સરકાર મદદ કરશે. ડેવલપમેન્ટ બૅન્ક ઑફ એલ સાલ્વાડોરમાં સરકાર એક ટ્રસ્ટ ઊભું કરશે જે બિટકૉઇનને અમેરિકન ડૉલરમાં ફેરવી આપશે અને વેપારીનું જોખમ પણ પોતે લેશે.

હાઉડી મોદી સમયે અમેરિકા સાથે થયેલો આ મોટો કરાર રદ થયો; જાણો શું છે સમગ્ર મામલો

ઉલ્લેખનીય છે કે બિટકૉઇન સ્વીકારવાનું જોખમ લેવા ન માગતો હોય તેવા વેપારીએ પણ કાયદેસર બિટકૉઇન સ્વીકારવા તો પડશે જ, પરંતુ વેપારી સરકારને તત્કાળ એટલા ડૉલર પોતાના ખાતામાં જમા કરવાનું કહી શકશે. વેપારી ઇચ્છે તો પછીથી પણ બજારમાં બિટકૉઇનને ડૉલરમાં ફેરવી શકશે.

Leave Comments