Thursday, February 9, 2023
Home લાઈફ સ્ટાઇલટેકનોલોજી સ્માર્ટફોન, ટેબ્લેટ અને લેપટોપ માટે એક સરખું જ ચાર્જર, સરકારે જાહેર કર્યા નવા સ્ટાડર્ડ

સ્માર્ટફોન, ટેબ્લેટ અને લેપટોપ માટે એક સરખું જ ચાર્જર, સરકારે જાહેર કર્યા નવા સ્ટાડર્ડ

યુએસબી ટાઇપ-સી ભારત સરકારે મોબાઇલ ફોન, લેપટોપ અને નોટબુક જેવા ડિવાઇસ માટે ટાઇપ-સી ચાર્જિંગ પોર્ટ સ્ટાન્ડર્ડ બનાવ્યું છે. બ્યુરો ઓફ ઈન્ડિયન સ્ટાન્ડર્ડ્સ અથવા BIS એ કહ્યું છે કે Type-C સ્ટાન્ડર્ડ ભારતમાં વેચાતા સ્માર્ટફોન અને ઈલેક્ટ્રોનિક ડિવાઇસ માટેનું સ્ટાન્ડર્ડ હશે. આવી સ્થિતિમાં હવે યુઝર્સ જ્યારે પણ નવું ડિવાઇસ ખરીદે ત્યારે અલગ ચાર્જર ખરીદવાની જરૂર નહીં પડે.

by AdminH
India makes Type-C cable chargers a standard for all electronic devices

News Continuous Bureau | Mumbai

ભારતમાં સ્માર્ટફોન અને લેપટોપ યુઝર્સ માટે સારા સમાચાર છે. હવે તમારે તમારા સ્માર્ટફોન કે ટેબલેટ કે અન્ય કોઈ ઈલેક્ટ્રોનિક ડિવાઇસ માટે અલગ ચાર્જર રાખવાની જરૂર નહીં પડે. આ તમામ ડિવાઇસ માત્ર Type C ચાર્જરથી જ ચાર્જ થશે. ભારત સરકારે સોમવારે આ મામલે મોટો નિર્ણય લીધો છે. ઈલેક્ટ્રોનિક ડિવાઇસ માટે ટાઈપ-સી ચાર્જરને સર્ટિફાઇડ બનાવવામાં આવ્યું છે. કોઈની પાસે 2 લાખ રૂપિયાનો આઈફોન હોય કે 5,000 રૂપિયાનો એન્ડ્રોઈડ સ્માર્ટફોન હોય, બંને માટે ચાર્જર શોધવાની સમસ્યા હવે સમાપ્ત થઈ જશે. આ ફીચર લાગુ થતાંની સાથે જ એક ચાર્જરથી અનેક ડિવાઇસને ચાર્જ કરી શકાશે.

બ્યુરો ઓફ ઈન્ડિયન સ્ટાન્ડર્ડ્સ (BIS) એ જણાવ્યું છે કે Type-C સ્ટાન્ડર્ડ ભારતમાં વેચાતા સ્માર્ટફોન અને ઈલેક્ટ્રોનિક ડિવાઇસ માટે હશે. આનાથી ચાર્જરની સંખ્યામાં ઘટાડો થશે. લોકો એક જ ચાર્જર વડે બહુવિધ ડિવાઇસ ચાર્જ કરી શકશે. આનાથી ઈ-વેસ્ટ ઘટાડવાના સરકારના અભિયાનમાં પણ મદદ મળવાની અપેક્ષા છે.

આ છે ત્રણ સ્ટાન્ડર્ડ્સ

પહેલું સ્ટાન્ડર્ડ

બ્યુરો ઑફ ઇન્ડિયન સ્ટાન્ડર્ડ્સ દ્વારા પહેલું સ્ટાન્ડર્ડ બિલ્ટ-ઇન સેટેલાઇટ ટ્યુનર સાથે ડિજિટલ ટેલિવિઝન રીસીવરો માટે છે. BIS એ બિલ્ટ-ઇન સેટેલાઇટ ટ્યુનર સાથે ટેલિવિઝન માટે ભારતીય માનક IS 18112:2022 રજૂ કર્યું છે. અહેવાલ છે કે આ ટીવી હેઠળ એલએનબી સાથે ડિશ એન્ટેના કનેક્ટ કરીને ફ્રી-ટુ-એર ટીવી અને રેડિયો ચેનલો જોઈ શકાય છે. હાલમાં, દેશમાં ટીવી દર્શકોને ઘણી પેઇડ અને ફ્રી ચેનલો જોવા માટે સેટ-ટોપ બોક્સ ખરીદવાની જરૂર છે. દૂરદર્શન દ્વારા પ્રસારિત કરવામાં આવતી ચેનલો (નોન-એન્ક્રિપ્ટેડ) ફ્રી ટુ એર જોવા માટે પણ દર્શકોએ સેટ ટોપ બોક્સનો ઉપયોગ કરવો જરૂરી છે. પરંતુ નવા સ્ટાન્ડર્ડના અમલીકરણ પછી આવું થશે નહીં.

આ સમાચાર પણ વાંચો:  Redmi 12C લોન્ચ, 5000mAh બેટરી અને 50MP કેમેરા, જાણો કિંમત અને ફીચર્સ

બીજું સ્ટાન્ડર્ડ

અન્ય સ્ટાન્ડર્ડ યુએસબી ટાઈપ સી રીસેપ્ટેકલ્સ, પ્લગ અને કેબલ માટે છે. ભારતીય માનક IS/IEC 62680-1-3:2022 USB Type-C કેબલ્સ અને કનેક્ટર્સ માટે છે. આ ભારતીય સ્ટાન્ડર્ડ હાલના આંતરરાષ્ટ્રીય સ્ટાન્ડર્ડ IEC 62680-1- 3:2022 ના આધારે રજૂ કરવામાં આવ્યું છે. આ સ્ટાન્ડર્ડ મોબાઇલ ફોન, લેપટોપ, નોટબુક વગેરે જેવા બહુવિધ ઇલેક્ટ્રોનિક ડિવાઇસમાં ઉપયોગ માટે સિંગલ યુએસબી ટાઇપ-સી પોર્ટ, પ્લગ અને કેબલ માટે વપરાય છે.

ત્રીજા સ્ટાન્ડર્ડ

ત્રીજું સ્ટાન્ડર્ડ વિડિયો સર્વેલન્સ સિસ્ટમ્સ (VSS) માટે છે, જે આંતરરાષ્ટ્રીય સ્ટાન્ડર્ડ IES 62676 શ્રેણી છે. તે વિડિયો સર્વેલન્સ સિસ્ટમના તમામ પાસાઓને આવરી લે છે જેમ કે કેમેરા ડિવાઇસ, ઈન્ટરફેસ, સિસ્ટમ આવશ્યકતાઓ અને ઇમેજ ગુણવત્તા માટેના પરીક્ષણો.

યુરોપિયન યુનિયને નિયમો બનાવ્યા

યુરોપિયન યુનિયન (EU) એ સૌપ્રથમ યુનિવર્સલ ચાર્જર્સને લગતા નિયમો બનાવ્યા હતા. આ પછી, વિશ્વભરના દેશોએ આ મામલાને ઉકેલવા માટે કામ કરવાનું શરૂ કર્યું. યુરોપિયન યુનિયનનું કહેવું છે કે 2024ના અંત સુધીમાં EUમાં વેચાતા તમામ મોબાઈલ ફોન, ટેબલેટ અને કેમેરા યુએસબી ટાઈપ-સી ચાર્જિંગ પોર્ટ સાથે વેચવામાં આવશે.

આ સમાચાર પણ વાંચો:  મકરસંક્રાંતિ પર કરો આ વસ્તુઓનું દાન, આખું વર્ષ સૂર્યની જેમ ચમકશે ભાગ્ય!

Join Our WhatsApp Community

You may also like

ન્યૂઝ કંટીન્યૂઝ વિશે

News Continuous is created to spread authentic, accurate and correct news across platforms. This news venture is managed by experienced journalists. Drop an email for collaborations.

Newsletter

Subscribe my Newsletter for new blog posts, tips & new photos. Let's stay updated!

To explore your career & collaborate with us pls write to us on following email id newscontinuous@hotmail.com

@2022 – All Right Reserved. Designed and Developed by News Continuous