OnePlus લાવ્યું બજેટ ઈયરબડ, બેટરી 39 કલાક ચાલશે અને કિંમત તમને ખુશ કરશે

ટેક કંપની વનપ્લસ દ્વારા ચીની માર્કેટમાં એક નવી ઓડિયો પ્રોડક્ટ લોન્ચ કરવામાં આવી છે, જે કંપનીના એફોર્ડેબલ પ્રાઇસ સેગમેન્ટમાં લોન્ચ કરવામાં આવી છે. OnePlus Buds Pro 2 Lite કંપનીના નવા OnePlus Ace 2V સ્માર્ટફોનની સાથે લોન્ચ કરવામાં આવ્યો છે. કંપની ફેબ્રુઆરીમાં ભારતમાં લોન્ચ થયેલા OnePlus Buds Pro 2 ના ટોન્ડ-ડાઉન વર્ઝન તરીકે નવા ઈયરબડ્સ લાવ્યા છે. બે કલર ઓપ્શન્સમાં ઉપલબ્ધ આ બડ્સ માં પર્સનલાઈઝ્ડ નોઈઝ કેન્સલેશન (ANC)ને સપોર્ટ કરવામાં આવ્યો છે.

OnePlus Buds Pro 2 Liteની વિશિષ્ટતાઓ

OnePlus Buds Pro 2 Lite કંપની દ્વારા Dynaudio સાથે મળીને ડેવલપ કરવામાં આવી છે અને તેમાં 11mm ડાયનેમિક વૂફર્સ સાથે 6mm ટ્વીટર છે. આ ડ્રાઇવરો 10Hz થી 40,000Hz ની ફ્રીક્વન્સી રિસ્પોન્સ રેન્જ ધરાવે છે અને 38dB ની ડ્રાઈવર સેન્સેટિવિટી આપે છે. આમાં AI-આધારિત પર્સનલ નોઇઝ કેન્સલેશન કરવાનું ફીચર્સ પણ છે, જેની મદદથી આસપાસના અવાજોને 48 dB સુધી ઘટાડી શકાય છે. આ ઈયરબડ્સ હાફ-ઈન-ઇયર ડિઝાઇન સાથે લોન્ચ કરવામાં આવ્યા છે.

આ ઈયરબડ્સ જે ડ્યુઅલ કનેક્શન સપોર્ટ સાથે આવે છે તેને એકસાથે બે ડિવાઇસ સાથે આસાનીથી કનેક્ટ કરી શકાય છે. આ ઈયરબડ્સ નવીનતમ બ્લૂટૂથ 5.3 કનેક્ટિવિટી ઑફર કરે છે અને AAC, LC3 અને સ્ટાન્ડર્ડ બ્લૂટૂથ કોડેક્સ (SBC) તેમજ નવા LHDC 5.0 કોડેકને સપોર્ટ કરે છે. તેઓ 10 મીટર સુધીની રેન્જમાં કામ કરે છે અને IP55 રેટિંગ સાથે પરસેવો અને વોટર રસિસ્ટન્સ પ્રોવાઈડ કરે છે. ત્રણ માઇક્રોફોન સાથેની આ બડ્સ 54 મિલીસેકન્ડ્સ સુધીની લેટન્સી રેટ ઓફર કરે છે અને ટચ-કંટ્રોલ્સ પણ ઉપલબ્ધ છે.

નવા ઈયરબડ પાવરફૂલ બેટરી પરફોર્મન્સ આપશે

નવા OnePlus Buds Pro 2 Liteમાં 60mAh બેટરી આપવામાં આવી છે, જ્યારે તેના કેસમાં 520mAh ક્ષમતાની બેટરી ઉપલબ્ધ છે. ચાર્જિંગ કેસ સાથે મળીને, આ ઈયરબડ્સ સિંગલ-ચાર્જ પર 39 કલાક સુધીનો મ્યુઝિક પ્લેબેક સમય વિતરિત કરી શકે છે. એકલા ચાર્જ પર ઈયરબડ જ 9 કલાક સુધીની બેટરી લાઇફ મેળવી શકે છે. ANC ચાલુ હોવાના કેસમાં 6 કલાક સુધી બડ્સ માંથી મ્યુઝિક સાંભળી શકાય છે. તે જ સમયે, તેને કેસ સાથે જોડો અને ANC ચાલુ હોવા પર પણ તમને 25 કલાક સુધીનો પ્લેબેક સમય મળશે. તેને સંપૂર્ણ ચાર્જ થવામાં 60 મિનિટ લાગે છે, જ્યારે ચાર્જિંગ કેસ 100 મિનિટમાં સંપૂર્ણ ચાર્જ થઈ જાય છે.

આ સમાચાર પણ વાંચો : Suzuki Jimnyની હેરિટેજ એડિશનથી હટ્યો પડદો, જાણો આ લિમિટેડ એડિશનની ખાસિયતો

OnePlus Buds Pro 2 Liteની કિંમત

કંપનીના હોમ-કંટ્રી ચીનમાં લોન્ચ કરાયેલ OnePlus Buds Pro 2 Liteની કિંમત 749 યુઆન (લગભગ રૂ. 8,800) છે. આ ઓબ્સિડીયન બ્લેક અને યુનફેંગ વ્હાઇટ કલર ઓપ્શનમાં ખરીદી શકાય છે. ચીનમાં તેમનું પ્રી-બુકિંગ શરૂ થઈ ગયું છે, પરંતુ ભારતમાં તેમના લોન્ચિંગ અંગે હજુ સુધી કંઈ કહેવામાં આવ્યું નથી. ભારતમાં લોન્ચ કરાયેલ OnePlus Buds Pro 2 ની કિંમત રૂ. 11,999 છે અને તે Arbor Green અને Obsidian Black શેડ્સ માં ખરીદી શકાય છે.