રેસીપી / સોયાબીન વડી સાથે બનાવો પ્રોટીનયુક્ત ઈડલી, ડાયાબિટીસમાં પણ છે ફાયદાકારક

News Continuous Bureau | Mumbai

શરીરમાં પ્રોટીન ની ઉણપને પૂરી કરવા માટે સોયાબીન એક ઉત્તમ વિકલ્પ છે. તમે દિવસની શરૂઆત સોયાબીન માંથી બનેલી ઈડલી થી કરી શકો છો. આ સિવાય જો તમને દિવસ દરમિયાન ભૂખ લાગે તો પણ સોયા ઈડલી તૈયાર કરી શકાય છે. સ્વાદિષ્ટ હોવા ઉપરાંત, સોયા ઈડલી પણ ખૂબ આરોગ્યપ્રદ છે. સોયા વડી ની મદદથી સોયા ઈડલી તૈયાર કરી શકાય છે. જો તમને સાઉથ ઇન્ડિયન ફૂડ ખાવાનું પસંદ હોય તો તમે સોયા ઈડલી ની રેસિપી ટ્રાય કરી શકો છો. ટેસ્ટી હોવા ઉપરાંત ઈડલી પચવામાં પણ હલકી છે અને સરળતાથી બનાવી શકાય છે.

સામગ્રી

સોયા વડી – 1 કપ

ચોખા – 2 કપ

મગની દાળ – 1/2 કપ

તેલ – 1 ચમચી

મીઠું – સ્વાદ મુજબ

આ સમાચાર પણ વાંચો : રંગભરી એકાદશી 2023: આજે રંગભરી એકાદશી પર બ્રજમાં વરસશે રંગ અને ગુલાલ, જાણો શું છે તૈયારી

રીત

સોયા ઈડલી બનાવવા માટે ચોખા અને સોયા વડી લો અને બંનેને અલગ-અલગ વાસણો માં પલાળી દો. આ પછી અડધો કપ મગની દાળને પણ પલાળી દો. તેમને 2-3 કલાક પલાળી રાખો, ત્યારબાદ ચોખા લો અને તેને સ્ટ્રેઇનરમા મૂકો અને તેમાંથી વધારાનું પાણી કાઢી લો. આ પછી, ચોખાને મિક્સર જારમાં લઈને તેને બરછટ પીસી લો. સોયા વડીને પણ મિક્સરમાં બરછટ પીસી લો. મગની દાળ સાથે પણ આમ જ કરો.

હવે એક મોટું વાસણ લો અને તેમાં સોયા વડી, પીસેલા ચોખા અને મગની દાળની પેસ્ટ નાખો અને ત્રણેયને સારી રીતે મિક્સ કરો. હવે આ મિશ્રણમાં સ્વાદ મુજબ મીઠું ઉમેરો. આ પછી, મિશ્રણ ને ઢાંકી દો અને તેને 5-6 કલાક માટે ગરમ જગ્યાએ રાખો. નિશ્ચિત સમય પછી, મિશ્રણ લો અને તેને વધુ એક વાર હલાવો. આ પછી ઈડલી નો મોલ્ડ લઈ તેમાં તેલ લગાવો. હવે તૈયાર કરેલી ઈડલીની પેસ્ટને મોલ્ડમાં નાંખો અને ઢાંકણ બંધ કરીને વરાળ પર પકાવો. 10 મિનિટમાં ઈડલી સારી રીતે પાકી જશે. પછી તેને પ્લેટમાં કાઢી લો. તૈયાર છે સ્વાદિષ્ટ અને પૌષ્ટિક સોયા ઈડલી. તેને સાંભાર અને નારિયેળની ચટણી સાથે સર્વ કરો.