સ્વાસ્થ્ય જાણકારી: સુગંધ ની સાથે સાથે સ્વાસ્થ્ય થી ભરપૂર છે લેમનગ્રાસ ડ્રિંક ; જાણો તેના ફાયદા વિશે

ન્યુઝ કન્ટિન્યુઝ બ્યુરો

મુંબઈ,12 જાન્યુઆરી 2022

બુધવાર

લેમનગ્રાસ પીણું સ્વાસ્થ્ય માટે ખૂબ જ ફાયદાકારક માનવામાં આવે છે. શિયાળાની ઋતુમાં ઘણા લોકો શરીરને સ્વસ્થ રાખવા અને શરદી-ખાંસીથી બચવા માટે આવા પીણાનું સેવન કરે છે. લેમનગ્રાસ પણ એક એવું પીણું છે, જે સ્વાસ્થ્ય માટે ખૂબ જ ફાયદાકારક માનવામાં આવે છે. લેમનગ્રાસ આવો જ એક છોડ છે. જે બિલકુલ લીલી ડુંગળી જેવો છે.તેમાં લીંબુનો સ્વાદ અને સુગંધ છે. લેમન ગ્રાસનો ઉપયોગ મોટાભાગે ચામાં ઉમેરીને કરવામાં આવે છે. તેનો ઉપયોગ બીજી ઘણી વસ્તુઓમાં દવા તરીકે થાય છે. લેમનગ્રાસમાં એન્ટિબેક્ટેરિયલ, એન્ટિફંગલ, એન્ટિ-કેન્સર, એન્ટીડિપ્રેસન્ટ, વિટામિન એ, ફોલિક એસિડ, ઝિંક, કોપર, આયર્ન, પોટેશિયમ, ફોસ્ફરસ, કેલ્શિયમ અને મેંગેનીઝ જેવા તત્વો મળી આવે છે, જે શરીરને ઘણા ફાયદા પહોંચાડવામાં મદદ કરી શકે છે.

રોગપ્રતિકારક શક્તિ:

લેમનગ્રાસ પીણું પીવાથી રોગપ્રતિકારક શક્તિને મજબૂત બનાવી શકાય છે. તેમાં વિટામિન સી, એન્ટી-ઓક્સીડેન્ટ જેવા તત્વો હોય છે, જે નબળી રોગપ્રતિકારક શક્તિને મજબૂત બનાવવામાં મદદ કરે છે.

શરદી-ઉધરસ

શિયાળાની ઋતુમાં લેમનગ્રાસ પીણું પીવાથી શરદી-ખાંસી અને કફથી બચી શકાય છે. લેમનગ્રાસમાં વિટામિન સી મળી આવે છે. તેનાથી બનેલી ચાના સેવનથી ઠંડી માં શરદી અને ઉધરસની સમસ્યાથી બચી શકાય છે.

કબજિયાત:

લેમનગ્રાસ ચા પેટ માટે ખૂબ જ સારી માનવામાં આવે છે. જો તમને પેટની સમસ્યા હોય તો તમે લેમનગ્રાસ ડ્રિંકનું સેવન કરી શકો છો. તેમાં એન્ટી-ઓક્સીડેન્ટ ગુણોની હાજરીને કારણે તે પેટમાં દુખાવો, કબજિયાત, ખેંચાણ અને ઝાડાથી રાહત આપવામાં મદદ કરી શકે છે.

માથાનો દુખાવો:

શિયાળાની ઋતુમાં માથાના  દુખાવાની સમસ્યા ઘણી વાર પરેશાન કરે છે. માથાના દુખાવાની સમસ્યાથી બચવા માટે તમે લેમનગ્રાસ ડ્રિંકનું સેવન કરી શકો છો.

સ્વાસ્થ્ય જાણકારી: વજન માં હલકા પણ સ્વાસ્થ્ય થી ભરપૂર; જાણો ખાલી પેટ મખાણા ખાવાના ફાયદા વિશે