SUBDOMAIN == gujarati

હું ગુજરાતી

જાણો પૂનામાં આજે પણ ધમધમતી ગુજરાતીઓના પ્રતીક સમી આ ગુજરાતી શાળાને; ટૂંક સમયમાં પૂર્ણ થશે ૧૦૦ વર્ષ

Jun, 8 2021


ન્યુઝ કન્ટિન્યુઝ બ્યુરો

મુંબઈ, ૮ જૂન ૨૦૨૧

મંગળવાર

દેશના વિવિધ ભાગમાંથી પૂનામાં વ્યાપાર કરવા આવેલા વ્યાપારીઓનાં બાળકો માટે શરૂ થયેલી ગુજરાતી શાળામાં આજે પણ ભૂલકાંઓનો કલરવ સંભળાઈ રહ્યો છે. આ વાત છે પૂના શહેરસ્થિત રતનબહેન ચુનીલાલ મહેતા (RCM)ગુજરાતી શાળા તરીકે પ્રખ્યાત છે. વર્ષ ૧૯૨૬માં સ્થપાયેલી આ શહેરની સૌથી જૂની શાળા છે.

આજે પણ પૂના જેવી મરાઠી નગરીમાં શાળાના પ્રાથમિક અને માધ્યમિક વિભાગમાં કુલ ૪૦૦ જેટલા વિદ્યાર્થીઓ માતૃભાષામાં શિક્ષણનો લાભ લઈ રહ્યા છે. શાળામાં વિદ્યાર્થીઓ પાસે સેમી-ઇંગ્લિશનો પણ વિકલ્પ ઉપલબ્ધ છે. ઉપરાંત, ગુજરાતી માઇનોરિટી હેઠળ ગુજરાતીઓને સંસ્થાની જુનિયર કૉલેજમાં પણ પ્રવેશ મેળવવો સહેલો છે. જુનિયર કૉલેજ માટે અહીં વિવિધ વૉકેશનલ કોર્સ પણ ઉપલબ્ધ છે.

શાળામાં વૅલ્યુ એજ્યુકેશન, સ્પોકન ઇંગ્લિશ, ગાઇડન્સ લૅક્ચર સહિત વિદ્યાર્થીલક્ષી શિક્ષણ આપવામાં આવે છે. ઉપરાંત કવિ નર્મદની જન્મજયંતી ૨૪ ઑગસ્ટ એટલે કે ગુજરાતી દિવસ નિમિત્તે પણ મોટો કાર્યક્રમ કરવામાં આવે છે, જે અંતર્ગત વિવિધ પ્રવૃત્તિઓ દ્વારા બાળકોને ગુજરાતની અસ્મિતા વિશે પણ જ્ઞાન આપવામાં આવે છે. શાળાનો એક મહત્ત્વનો ઉપક્રમ એટલે કે પ્રવેશોત્સવ, જેમાં શૈક્ષણિક વર્ષના પ્રથમ દિવસે બાળકોને ચાંદલો કરી ફૂલ આપી સ્વાગત કરવામાં આવે છે.

આ સંદર્ભે વાત કરતાં શાળાનાં ભૂતપૂર્વ વિદ્યાર્થિની અને આચાર્યા સોનલબહેને ન્યુઝ કન્ટિન્યુઝને જણાવ્યું કે “આગામી અમુક વર્ષમાં શાળાને ૧૦૦ વર્ષ પૂર્ણ થશે. શાળાની આ અભૂતપૂર્વ પ્રગતિમાં સંચાલકો અને શિક્ષકોની ખૂબ જ મહેનત છે.”

માતૃભાષા ગુજરાતીના શુદ્ધ ઉચ્ચારણ માટે કાર્યરત છે આ ભાઈ; જાણો વિગત

ઉલ્લેખનીય છે કે આ શાળાની વિદ્યાર્થિનીઓ બોર્ડ ટૉપર પણ બની છે અને દર વર્ષે ઘણા વિદ્યાર્થીઓ ગુજરાતીમાં ૯૦થી વધારે ગુણ મેળવે છે. શિક્ષકો પણ દસમાના વિદ્યાર્થીઓ પરીક્ષા વર્ગમાં પ્રવેશ ન કરે ત્યાં સુધી સતત માર્ગદર્શન માટે તત્પર રહે છે. આ શાળા હવે શહેરમાં સીમાચિહ્નરૂપ બની ગઈ છે. પૂના શહેરના કોઈપણ ખૂણેથી કોઈપણ વ્યક્તિને ગુજરાતી શાળા કહો એટલે તમને આ જ શાળાનો રસ્તો બતાવશે.

Recent Comments

  • Jun, 8 2021

    Jayendra ghoda

    Saras Vat jani ne bau anand Thayo k haji pan pune jevi city ma Gujarati school chalu Che Ane e pan 100 varas pura karya kharekhar anand ni vat che Ane Gujarat nu gourav che

  • Jun, 8 2021

    Anita

    Sanskar ane sachu bhantar atle mari aa school... Khub khub aahbhar harek sikshak ne jene aama khub moto roal nibhavyo che

  • Jun, 8 2021

    Anilkumar Velji Joshi

    ધોરણ ૧ થી ૬ સુધી શેઠ હકમચંદ ઇશ્વરદાસ ગુજરાતી પ્રાથમિક શાળા, અને ધોરણ ૭ થી ૧૦ સુધી રતનબેન ચુનીલાલ મહેતા ગુજરાતી હાઇસ્કૂલ. સન ૧૯૭૭/૭૮ માં એસ્ એસ્ સી ની પરીક્ષા આપી પછી જ્યુનિયર કૉલેજમાં બે વર્ષ....મારાથી નાના બે ભાઇ બહેન અને મારા ત્રણે સંતાનોને આ શાળામાં જ ભણાવ્યા

  • Jun, 8 2021

    હસમુખ લવજી ગાલા

    I passed out in 1965 from technical wing. Right from balmandir till 11th studied in RCM. MY two elder brothers also passed SSC from RCM

  • Jun, 8 2021

    ASHOK P SHAH

    RCM GUJARATI HIGHSCHOOL.PUNE. આજ ના સમાચાર વાંચી ને ખુબજ આનંદ થયો. પુના ની પ્રખ્યાત ગુજરાતી માધ્યમ ની શાળા માંથી મારું શિક્ષણ ધોરણ ૮ થી ૧૧ સુધી થયેલ છે. ૧૯૭૦ -૭૧ ની સાલ માં SSC પાસ કરી. આ શાળાના એ વખતના શિક્ષક જેમાં શ્રી ગોહિલ સર, (મુખ્યાધ્યપક), શ્રી ગુજરાતી સર, મૃદુલા બેન, ભારતી બેન, વગેરે શિક્ષક જેઓ એ તન, મન થી ભણાવતા. એટલે જ આ ગુરુવર્ય નાં નામ યાદ છે. અને એટલે જ ૧૯૭૫-૭૬ ની સાલ માં સિવિલ એન્જિનિયર બની સરકારી નોકરી માં સારા એવા પદ પ્રાપ્ત કરી ૨૦૧૦ માં નિવૃત્ત થયો.RCM શાળા ના સંચાલક તેમજ હાલના શિક્ષક વર્ગને ખૂબ ખુબ અભિનંદન IN ADVANCE. SATABDI MAHOTSAV માં ભૂતપૂ્વ વિદ્યાર્થી ઓ નો નિમંત્રણ મળે તો જરૂર જઈશ. ન્યૂઝ continues ને વિનંતી કે અમારી વિનંતી સંચાલક સુધી પહોંચે.ધન્યવાદ.

  • Jun, 8 2021

    Smt Taruben Popat ( 1972 batch)

    શિક્ષણ ક્ષેત્રે અભૂતપૂર્વ સિદ્ધિ મેળવનાર આજી-માજી સર્વ સંચાલકો,શિક્ષકો, પાલકો તથા બાલકોને શતાબ્દિ વર્ષની શત-શત શુભેચ્છાઓ ! ચરૈવેતિ ! ચરૈવેતિ !

  • Jun, 8 2021

    સ્મિતા કાંતિલાલ શાહ હવે સ્મિતા રોહિત ઝવેરી

    બાલમંદિર થી જુનિયર કોલીજ ૧૧માં સુધી નું પાયાનું ભણતર. ભણતર પણ એવું કે માતાપિતાને અભિમાન થાય. દાદાવાલા સર ભણી નથી પણ જીવનસાથીની સંભાર અમે જોઈ છે. (ફડકે હૌદ ચોક). ઘોરણ ૧ ના ટોપીવાળાબેન, પછી કંચનબેન,પટેલ સર, કોટક સર, મોતીવાળા બેન, રંજનબેન, શિવણ નો મોટો હોલ ૨ થી ૩ દિવસ નું ગેથરીંગ. ઇનામો, ગરબા, નાટક....... જોશી સર, કુમુદિનીબેન, કલકત્તાવાળા સર, દેવાંગિનીબેન, બક્ષીબેન, મોતીવાળાબેન ગુરુ ની શિખામણ યાદ છે કોઈ નામ હૈયે છે પણ હોઠે નથી. પર્ણ કુટિર બસ, પ્રવીણા બેન યાદોં હંમેશા રહેશે. 1976 માં ૧૦મુ એ એ સી પાસ કરી.... આર સી એમ અમારી અંદર છે.

  • Jun, 8 2021

    PISAWADIA HARSHAD LAVJIBHAI

    Toશિક્ષણ ક્ષેત્રે અભૂતપૂર્વ સિદ્ધિ મેળવનાર સર્વ સંચાલકો,શિક્ષકો, તથા બાલકોને શતાબ્દિ વર્ષની શત-શત શુભેચ્છાઓ !

  • Jun, 8 2021

    દીપક ગુણવંતલાલ શાહ

    હું પણ RCM school માં ભણ્યો. B.E.(mechanical) કર્યું. આજે પણ school ના એ દિવસ યાદ છે

  • Jun, 8 2021

    CA કિરણ કાનાણી 1972 SSC Tachnical

    મારી RCM ગુજરાતી હાઈ સ્કુલ નો મને ગર્વ છે. ધોરણ 8મુ થી 11મુ technical વિષયો શખવાડતી અને તે પણ 70 ના દાયકામાં ગુજરાતીમાં !!! ખરેખર ત્યારના ટ્રસ્ટી ઓ નું અદભુત vision હતું. કદાચ ત્યારે આ વિષયો ભણાવતી એકમેવ શાળા હતી પુના , મુંબઇ અને કદાચ આખાયે મહારાષ્ટ્રમાં !(ગુજરાતીમાં). ગુરુજનો પણ એટલાજ રસ લઈને વિવિધ વિષયો શખવાડતા..PT ના સર વળે સર,ડ્રોઈંગ ના સર નગરકર, ધર્મધિકારી સર કે પછી ટેક્નિકલ વિષયો શીખવાડતા પાંડે સર, આ બધાય મરાઠી હોવા છતાંય ગુજરાતી ભાષા માં અસખલીત શીખવાડતા. આજ ખરી ખાસિયત હતી ભણવાની અને ભણાવવાની.ઇતર શિક્ષકો માં બળાબેન, પાધ્યા સર, નરેન્દ્ર સર, મિસ્ત્રી સર, આર એસ પટેલ સર, પાંખવાલા (બન્નેય) સર, પદ્મા બેન, જોશીસર , કલકત્તાવાળા સર વિગેરે ..બધાય આજની તારીખ માં પણ એટલાજ યાદ છે તેમના વિવિધ વિષયો ભણતર તથા શિખામણ માટે પણ. બધાય મિત્રો વિશે તો લખીએ એટલું ઓછું..1968 થી 1972 ખરેખર જીવન ના એ સોનેરી દિવસો હતા , અમૂલ્ય , ન ભુલાય તેવા. આવી મારી આ શાળા ને લાખ લાખ નમન. અને અહોભાગ્ય પણ એટલાજ કે તેની પૈત્રિક સંસ્થા એટલે શ્રી પુના ગુજરાતી કેળવણી મંડળ ની કમિટી પર સેવા કરવાનો લહાવો પણ આજે માણી રહ્યો છું. આ જ સંસ્થા આ વર્ષે શતક પૂરતી કરી રહી છે જે આપણા સમસ્ત પુનાના ગુજરાતી સમાજ માટે ગર્વ લેવા જેવી બાબ છે. જયશ્રીકૃષ્ણ કિરણ કાનાની

Leave Comments