News Continuous Bureau | Mumbai

ગુજરાત વિધાનસભા ચૂંટણીમાં આમ આદમી પાર્ટી 8 સીટો પર આગળ ચાલી રહી છે. તેમાંથી AAPએ 6 બેઠકો પર મજબૂત બધા બનાવી છે. જો આવું જ વલણ રહ્યું તો આમ આદમી પાર્ટી ગુજરાતમાં 5-8 બેઠકો જીતી શકે છે. અરવિંદ કેજરીવાલે ચૂંટણી પ્રચાર દરમિયાન જંગી જીતનો દાવો કર્યો હતો, જો કે પરિણામો તેનાથી તદ્દન અલગ હોવાનું જણાય છે.

સ્થિતિ AIMIM જેવી ન થઈ જાય 

જણાવી દઈએ કે અસદુદ્દીન ઓવૈસીની પાર્ટી AIMIM એ બિહાર વિધાનસભા ચૂંટણીમાં 5 સીટો જીતી હતી. જો કે ચૂંટણી બાદ તેજસ્વી યાદવે તેમને મોટો ઝટકો આપ્યો હતો. AIMIMના પાંચમાંથી ચાર ધારાસભ્યો RJDમાં જોડાઈ ગયા. AIMIMના પ્રદેશ અધ્યક્ષ અખ્તરુલ ઈમાનને છોડીને બાકીના ચાર ધારાસભ્યોએ પાર્ટી છોડી દીધી. પાર્ટી છોડીને આરજેડીમાં સામેલ થયેલા ધારાસભ્યોમાં શાહનવાઝ, મોહમ્મદ અંજાર નઈમી, મોહમ્મદ ઈઝહર અસ્ફી અને સૈયદ રુકનુદ્દીનનો સમાવેશ થાય છે. ઓવૈસીની પાર્ટીમાંથી ચાર ધારાસભ્યોના આરજેડીમાં જોડાયા બાદ આ પાર્ટી બિહાર વિધાનસભામાં સૌથી મોટી પાર્ટી બની ગઈ. આરજેડી પાસે હવે કુલ 80 ધારાસભ્યો છે અને ભાજપના 78 ધારાસભ્યો છે.

આ સમાચાર પણ વાંચો:FIFA WC 2022: આ 8 ટીમોએ ક્વાર્ટર ફાઇનલમાં સ્થાન મેળવ્યું, જાણો આગામી રાઉન્ડમાં કોના વચ્ચે થશે મુકાબલો

AAP સામે ધારાસભ્યોને બચાવવાનો પડકાર 

ગુજરાતમાં આ વખતે આમ આદમી પાર્ટી પોતાનું ખાતું ખોલવામાં સફળ રહી છે. તે 8 બેઠકો જીત્યા બાદ રાષ્ટ્રીય પાર્ટી બની જશે. અગાઉ તેને દિલ્હી, પંજાબ અને ગોવામાં પ્રાદેશિક પક્ષ તરીકે માન્યતા આપવામાં આવી છે. જો કે, ભાજપના ગઢ ગુજરાતમાં ધારાસભ્યોને જાળવી રાખવા એ AAP માટે મોટો પડકાર હશે.