News Continuous Bureau | Mumbai
Zero Waste Event : આજે વિશ્વ પર્યાવરણ દિવસની ઉજવણી મહાત્મા મંદિર ખાતે યોજાઈ હતી. જેમાં મુખ્યમંત્રી શ્રી ભૂપેન્દ્ર પટેલે પ્લાસ્ટિકના વિકલ્પો અને રિસાયક્લિંગ સોલ્યુશન્સના પ્રદર્શનની મુલાકાત લઈને રસપ્રદ માહિતી મેળવી હતી. આ વેળાએ વન અને પર્યાવરણ મંત્રી શ્રી મુળુભાઈ બેરા તથા રાજ્ય મંત્રી શ્રી મુકેશભાઈ પટેલ ઉપસ્થિતિ રહ્યા હતા.
આજે મહાત્મા મંદિર ખાતે યોજાનાર કાર્યક્રમમાં ૧૧ જેટલા પ્રોજેક્ટોનો લોકાર્પણ, ખાતમુહૂર્ત, ઇ લોન્ચિંગ કરવામાં આવ્યું હતું. આ લોકાર્પણના માધ્યમ થકી સંતુલિત વિકાસ તરફ રાજ્યને વેગ મળશે તેમજ પર્યાવરણની સાથે સાથે ગુજરાતનો વિકાસ જળવાઈ રહે, ઉદ્યોગકારોને ઇઝ ઓફ ડુઈંગ બિઝનેસનો આધાર મળે તે માટે રાજ્ય સરકાર અવિરત પ્રયત્નો કરી રહી છે.
આ પ્રદર્શનીમાં ઈશિત્વા રોબોટિક સિસ્ટમ્સ પ્રા. લિ. દ્વારા એવી મશીનરી વિક્સાવવામાં આવી છે કે, જે આર્ટીફીસીયલ ઇન્ટેલીજન્સની મદદથી પ્લાસ્ટીકના કચરાને અલગ તારવી શકે છે અને કચરાનું વર્ગીકરક્ણ ચોક્કસ થઇ શકે છે. આ મશીનરીની મદદથી માનવબળ પરનું ભારણ ઘટી શકે છે. વોલ્યુમ પ્રદર્શનીમાં સ્વસહાય જૂથની બહેનો દ્વારા પ્લાસ્ટિકના કચરામાંથી હાથ વણાટથી ફેશનેબલ વસ્તુઓનું ઉત્પાદન કરવામાં આવ્યું હતું. આ વસ્તુઓ મહિલાઓની આજે આજીવિકાની તકો ઊભી કરે છે અને નાગરિકોમાં સંતુલિત જીવનશૈલીને પ્રેરણા આપે છે. સિંગલ-યુઝ પ્લાસ્ટિક (SUP) ને હેન્ડબેગ અને ફેશન વસ્તુઓમાં રૂપાંતરિત કરવાની પહેલથી ગુજરાતમાં પ્લાસ્ટિક પ્રદૂષણમાં ઘટાડો થયો છે એટલું જ નહીં પરંતુ લોકલ કમ્યુનિટી – ખાસ કરીને મહિલાઓને – આજીવિકાની તકો ઊભી કરીને અને નાગરિકોમાં સસ્ટેનેબલ લાઇફસ્ટાઇલ પસંદગીઓને પ્રેરણા આપીને સશક્ત બનાવવામાં આવ્યા છે.
વધુમાં પાક્કા પ્રદર્શનીમાં પક્કા દ્વારા વપરાય ગયેલ શેરડીના છોતરામાંથી બગાસ બનાવવામાં આવે છે અને તે બગાસનો ઉપયોગ કમ્પોસ્ટેબલ ફૂડ કટલરી આઈટમ જેવી કે, ડીશ વાટકા ચમચી ફૂડ પેકેટના પેકેજીંગ બનાવવામાં ઉપયોગ કરવામાં આવે છે. આ કંપની દ્વારા કમ્પોસ્ટેબલ વસ્તુઓને પ્રમોટ કરવામાં આવે છે તથા આ પેકેજીંગના ઉપયોગ બાદ તેને જમીન સાથે ભળી જાય તે પ્રકારે બનાવટ કરવામાં આવે છે. જેબી ઇકોટેક્સ દ્વારા વપરાઈ ગયેલ પ્લાસ્ટિકની બોટલો કે જે વપરાઈ ગયા બાદ રોડ પર નદીનાળામાં ફેંકવામાં આવે છે. જે બી ઇકોટેક્સ દ્વારા આ પ્રકારની પ્લાસ્ટિકની બોટલોનું કલેક્શન કરી એ પ્લાસ્ટિક બોટલોને રિસાયકલ કરવામાં આવે છે અને એમાંથી જ્ઞાન તથા કાપડ બનાવવામાં આવે છે જેનો ઉપયોગ વિવિધ કપડા બનાવવા કરવામાં આવે છે.
આ સમાચાર પણ વાંચો : Ahmedabad Metro : અમદાવાદમાં આઇપીએલની ૯ મેચ દરમિયાન મેટ્રોમાં ૧૫ લાખથી વધુ લોકોએ મુસાફરી કરી
રીએટમોસ દ્વારા પ્લાસ્ટિક બોટલના રિવર્સ વેલ્ડીંગ મશીન બનાવવામાં આવ્યા છે જે મશીન દ્વારા વેસ્ટ પ્લાસ્ટિક બોટલને રિસાયકલ કરવા પર નાગરિકને પ્રોત્સાહન આપવામાં આવે છે તે જ રીતે આ કંપની દ્વારા કાપડની બેગના વેન્ડિંગ મશીન બનાવવામાં આવ્યું છે કે જેમાંથી વિવિધ સ્થળોએ આ મશીનમાં રોકડ રકમ અથવા ક્યુઆર કોડ દ્વારા કાપડની થેલી પ્રાપ્ત થઈ શકે છે. ગુજરાતમાં વિવિધ ધાર્મિક સ્થળોએ તથા જાહેર સ્થળોએ આ પ્રકારના મશીન મૂકવામાં આવેલ છે.સાલટેક ડિઝાઇન લેબ્સ પ્લાસ્ટિક કચરાને સસ્ટેનેબલ બાંધકામ સામગ્રીમાં રૂપાંતરિત કરવામાં માળખાગત સુવિધાઓમાં રૂપાંતરિત કરી રહી છે, પર્યાવરણીય પ્રદૂષણ ઘટાડી રહી છે અને નાગરિકોને સસ્ટેનેબલ વિકાસને સ્વીકારવા પ્રોત્સાહિત કરી રહી છે.નેસ્લેની પહેલ મલ્ટિલેયર પ્લાસ્ટિક (MLP) પેકેજિંગને મોનોલેયર અને ફરીથી વાપરી શકાય તેવું પ્લાસ્ટિક બનાવવું એ પ્રદૂષણ ઘટાડવા તરફ એક મહત્વપૂર્ણ પગલું છે, રિસાયક્લિંગને સરળ બનાવવા અને ગુજરાતના નાગરિકોમાં પર્યાવરણીય રીતે જવાબદાર વપરાશની ટેવોને પ્રોત્સાહન આપવાની દિશામાં એક મહત્વપૂર્ણ પગલું છે.
રિકોસોલ્યુશન્સની અદ્યતન રિસાયક્લિંગ ટેકનોલોજી, જે કચરાને મૂલ્યવાન, ઉપયોગી સામગ્રીમાં પરિવર્તિત કરે છે, તે લેન્ડફિલ બોજ ઘટાડવામાં મદદ કરી રહી છે, સ્વચ્છ વાતાવરણને પ્રોત્સાહન આપી રહી છે અને ગુજરાતના નાગરિકોને વેસ્ટ મેનેજમેન્ટ માટે વધુ સસ્ટેનેબલ અને જવાબદાર અભિગમ અપનાવવા પ્રેરણા આપી રહી છે.
ટોટલ એનર્જીસ કોર્બિઓન કમ્પોસ્ટેબલ પ્લાસ્ટિક માટે કાચા માલના ઉત્પાદનમાં ટોટલએનર્જીઝ કોર્બિયનની નવીનતા સસ્ટેનેબલ વેસ્ટ મેનેજમેન્ટને આગળ ધપાવી રહી છે, પ્લાસ્ટિક પ્રદૂષણ ઘટાડી રહી છે અને ગુજરાતના નાગરિકોને રોજિંદા જીવનમાં પર્યાવરણને અનુકૂળ વિકલ્પો તરફ ટ્રાન્ઝીશન કરવા માટે સશક્ત બનાવી રહી છે.
Disclaimer : Except for the headline, this story has not been edited by News Continuous staff and is published from a syndicated feed.
