Tag:

rainfall

Monsoon ગુજરાતમાં મેઘરાજાની વરાળ, ડેમ રહે ભરાયા
પ્રકૃતિ

Monsoon: ગુજરાતમાં મેઘરાજાની વરાળ, ડેમ રહે ભરાયા

by Dr. Mayur Parikh
written by Dr. Mayur Parikh

News Continuous Bureau | Mumbai

ગુજરાતમાં Monsoon (monsoon)-ની અસર હાલ ઊંચે જોવા મળી રહી છે. છેલ્લા 24 કલાકમાં 33 જિલ્લાઓના 212 તાલુકાઓમાં વરસાદ નોંધાયો છે, જેમાં વલસાડના પારડીમાં 4 ઇંચ, ધરમપુરમાં 3 ઇંચ, તેમજ નવસારીના ખેરગામ, વલસાડના કપરાડા અને સાબરકાંઠાના તલોદમાં 2 ઇંચથી વધુ વરસાદ પડે છે. રાજ્યનું સરેરાશ વરસાદ 77.24% પહોંચ્યું છે. SEOC સંદર્ભે, નર્મદા ડેમ 80.84% અને અન્ય 206 જળાશયો 75.74% ક્ષમતાએ ભરાયા છે. 73 ડેમ હાઈ_ALERT, 35 ALERT અને 16_WARNING સ્થિતિમાં છે. સાથે, માછીમારોને 22–25 ઓગસ્ટ દરમિયાન દરિયામાં ન જવાની ચેતવણી આપવામાં આવી છે.

Monsoon (Monsoon): ડેમ (Dam) સ્તર ભરી રહ્યા

Monsoon (monsoon)-ના કારણે નર્મદા ડેમનું પાણી સ્તર 80.84% પહોંચ્યું છે, અને અન્ય 206 જળાશયો 75.74% સુધી ભરાયેલા છે. રાજ્યમાં કુલ 73 ડેમને હાઈ_ALERT, 35 ડેમને ALERT, અને 16 ડેમને WARNING આપવામાં આવી છે—જે તે ક્ષેત્રમાં કડક સુરક્ષા અને તૈયારીની ગંધ આપે છે.

Monsoon (Monsoon): માછીમારોને સંકેત

Monsoon (monsoon)-ની તીવ્રતા વચ્ચે ભારતીય હવામાન વિભાગે દરિયા કિનારાના ખેલતોના માછીમારોને 22–25 ઓગસ્ટ સુધી દરિયામાં જવાની મનાઈ આપી છે. આ પગલામાં નૌકાવેહન, પડતર લહેરો તથા પવન-ધમાકાની શક્યતાઓને ધ્યાનમાં લેવામાં આવી છે.

આ સમાચાર પણ વાંચો : Connectivity: ઉત્તર ગુજરાતમાં ₹307 કરોડના રોડ પ્રોજેક્ટ્સનું લોકાર્પણ

Monsoon (Monsoon): તંત્રને તમારો સહકાર ગહન જરૂર

Monsoon (monsoon)-ની સ્થિતિને ધ્યાનમાં રાખીને વહીવટી તંત્ર, SEOC, NDRF અને SDRF ટીમો સતર્ક સ્થિતિમાં છે. માછીમારોને સલામત રહેવા શુભેચ્છા પાઠવવામાં આવી છે—જેમ્ને સ્થાનિક આતંક-નિયમો, રાહત કેન્દ્રો અને ઇમર્‍જન્સી આગળ વધારવા માટે કાર્યરત રહેવાની આવશ્યકતા છે.

0 comment
0 FacebookTwitterPinterestEmail
Gujarat Rain Total average rainfall of the season so far in 33 districts of the state is 51.09%
રાજ્ય

Gujarat Rain : રાજ્યમાં ૩૩ જિલ્લામાં હમણાં સુધીમાં મોસમનો કુલ સરેરાશ વરસાદ ૫૧.૦૯ % જેટલો વરસાદ

by kalpana Verat
written by kalpana Verat

Gujarat Rain :

News Continuous Bureau | Mumbai

  • સૌથી વધુ કચ્છ રીઝીયનમાં 85.46 % ત્યારબાદ દક્ષિણ ગુજરાત રીઝીયનમાં 55.19% અને સૌથી ઓછો ઉત્તર ગુજરાતમાં 48.01 % સરેરાશ વરસાદ નોંધાયો

 સ્ટેટ ઇમરજન્સી ઓપરેશન સેન્ટર-SEOC, ગાંધીનગરના અહેવાલ મુજબ સમગ્ર રાજ્યમાં ૩૩ જિલ્લામાં હળવાથી ભારે વસરાદ વરસ્યો છે. રાજ્યમાં મોસમનો કુલ સરેરાશ ૫૧.૦૯ % જેટલો વરસાદ નોંધાયો છે.

રાજ્યમાં છેલ્લા 24 કલાકમાં 251- 500 મિમિ વરસાદ 139 તાલુકામાં, 501-1000 મિમિ વસસાદ 45 તાલુકામાં તેમજ 1000 મિમિ થી વધુ વરસાદ 18 તાલુકામાં નોંધાયો છે.

આ ઉપરાંત રાજ્યમાં મોસમનો કુલ સરેરાશ વરસાદ 51.09 % છે જેમાં સૌથી વધુ કચ્છ રીઝીયનમાં 85.46 % ત્યારબાદ દક્ષિણ ગુજરાત રીઝીયનમાં 55.19 %, સૌરાષ્ટ્ર અને પૂર્વ મધ્ય વિસ્તારમાં 49.26% અને સૌથી ઓછો ઉત્તર ગુજરાતમાં 48.01 % સરેરાશ વરસાદ નોંધાયો છે.

આ સમાચાર પણ વાંચો :  Handvo recipe Gujarati:હાંડવો બનાવવાની પરફેક્ટ રેસીપી: ગુજરાતી નાસ્તાનો સ્વાદિષ્ટ અને પૌષ્ટિક વિકલ્પ!

રાજ્યમાં સરદાર સરોવર નર્મદા નિગમ લિમિટેડનો હાલનો પાણીનો સંગ્રહ 1,76,942 મિલિયન ક્યુબિક ફીટ છે. જે કુલ સંગ્રહ ક્ષમતાના 52.96 % છે તેમજ રાજ્યના અન્ય 206 જળાશયોમાં 3,31,347 મિલિયન ક્યુબિક ફીટની ક્ષમતા છે જે કુલ સંગ્રહ ક્ષમતાના 59.37 % છે. રાજ્યમાં કુલ ૨૦૬ ડેમો પૈકી 40 ડેમો હાઇએલર્ટમાં છે 24 ડેમો એલર્ટ મોડ પર છે 20 ડેમોને વોર્નિંગ આપવામાં આવી છે. ગુજરાતમાં 26 ડેમો 100 % ભરાયેલા, 58 ડેમો 70 % થી 100 % વચ્ચે ભરાયેલા, 40 ડેમો 50 %થી 70 % વચ્ચે ભરાયેલા છે આ ઉપરાંત 42 ડેમો 25 % થી 50 % વચ્ચે ભરાયેલા છે 40 ડેમો 25 % થી નીચે ભરાયેલા છે.

Disclaimer : Except for the headline, this story has not been edited by News Continuous staff and is published from a syndicated feed.

0 comment
0 FacebookTwitterPinterestEmail
Gujarat Rain News: Light to heavy rain in 209 talukas of 33 districts in the state in the last 24 hours
રાજ્ય

Gujarat Rain News : સમય વર્તે સાવધાન…. ક્લાયમેટ ચેન્જથી બદલાઇ રહ્યો છે ચોમાસાનો મિજાજ!!

by kalpana Verat
written by kalpana Verat

News Continuous Bureau | Mumbai 

Gujarat Rain News : 

  • ચોમાસાના ચાર માસના કુલ વરસાદનું ચોથા ભાગનું પાણી હવે જૂન માસમાં વરસી જાય છે
  • એક માસના સરેરાશ વરસાદ કરતા પણ વધુ વરસાદ એક જ દિવસમાં વરસી જવાનું વધતું જતું પ્રમાણ
  • દાયક પહેલા તલીમનાડુના માર્ગે આવતા ચક્રવાતોએ ક્લાયમેટ ચેન્જના કારણે હવે રસ્તો બદલે મધ્યપ્રદેશના માર્ગે આવે છે
  • ગુજરાત ઉપરથી ચોમાસ દરમિયાન બેત્રણ વખત પસાર થતાં મેડન જુલિયન ઓસિલેશનના વાદળો પણ વરસાદ લાવે છે
  • અર્બન હિટ આયલેન્ડ શહેરોમાં ભારે વરસાદનું કારણ બને છે અને પૂરની સ્થિતિનું નિર્માણ કરે છે

આલેખન – દર્શન ત્રિવેદી

પ્રકૃતિના અવિવેકી દોહન અને અર્બનાઇઝેશનના પરિણામે ઉદ્દભવેલી સમસ્યા ક્લાયમેટ ચેન્જની સમગ્ર જીવસૃષ્ટિ ઉપર વિપરિત અસર પડી છે. ઉનાળામાં ગરમી, ચોમાસામાં વરસાદ અને શિયાળામાં ઠંડીનો મિજાજ સમગ્રતયા બદલાઇ ગયા હોવાનો અહેસાસ સામાન્ય માનવી કરી રહ્યો છે. મૌસમની પેટર્ન, એમાંય ખાસ કરીને ચોમાસાની ચાલ પરિવર્તન પામી હોવાની વાત મહારાજ સયાજીરાવ ગાયકવાડ યુનિવર્સિટી ઓફ બરોડાના ઇન્સ્ટિટ્યુટ ઓફ ક્લાઇમેટ ચેન્જ એન્ડ રિસર્ચ સેન્ટરમાં થઇ રહેલા સંશોધનમાં પણ ફલિત થવા પામી છે.

ગુજરાત અને વિશેષતઃ વડોદરામાં ચોમાસાની ચાલને સમજવા માટે તેનું બંધારણ કેવી રીતે થાય છે ? એ જાણવું જોઇએ. આપણા પ્રદેશમાં મુખ્યત્વે બંગાળના ઉપમહાસાગર અને અરબી સમુદ્રમાં ઉદ્દભતા લોપ્રેશન સિસ્ટમથી આવે છે. આ બન્ને સમુદ્રમાં પ્રતિ વર્ષ પાંચથી છ વખત આવી સિસ્ટમ ઉભી થાય છે. જેમાં હવાનું દબાણ એક હજાર મિલિબાર્સ કે તેની આસપાસ હોય છે. આ નૈઋત્યનું ચોમાસું વાયા કેરળ, મહારાષ્ટ્ર થઇ ગુજરાતમાં પ્રવેશે છે અને વરસાદ આવે છે.

ગુજરાતના ચોમાસા  ઉપર પ્રશાંત મહાસાગરના ઉષ્ણતામાન પણ અસર કરે છે. જેને લા નિના, અલ નિના તરીકે ઓળખવામાં આવે છે. આ ઉપરાંત ઇન્ડિયન ઓશન ડાયપોલ (આઇઓડી)ની અસર પણ સક્રીય ભૂમિકા અદા કરે છે. આઇઓડી એટલે અરબી સમુદ્ર અને બંગાળના ઉપમહાસાગરમાં ઉષ્ણતામાનનો તફાવત ! સમુદ્રનું તાપમાન ૨૮ ડિગ્રી સેલ્સીયસની ઉપર જાય ત્યારે સમુદ્રની સક્રીયતામાં વૃદ્ધ થાય છે. ત્યાર પછી લોપ્રેશન થઇ શકે છે.

જાણીતા વેધર એનાલિસ્ટ શ્રી મુકેશ પાઠક કહે છે, આ ઉપરાંત મેડન જુલિયન ઓસિલેશન એટલે કે વાદળોનો એક મોટો સમુહ પૃથ્વીના ચક્કર મારતો રહે છે. ચોમાસાની ઋતુ દરમિયાન આ મેડન જુલિયન ઓસિલેશન સામાન્ય રીતે બે કે ત્રણ વખત ભારત ઉપરથી પસાર થાય છે અને તે પણ વરસાદ આપે છે. 

આ સમાચાર પણ વાંચો : Women Wmpowerment : ગુજરાતનું સહકારી મૉડલ બન્યું મહિલા સશક્તિકરણનું શ્રેષ્ઠ ઉદાહરણ, મહિલા દૂધ મંડળીઓમાં 21%નો વધારો, આવક ₹9000 કરોડને પાર

ચક્રવાતની વાત સમજીએ તો લોપ્રેશરમાં જેમ જેમ હવાનું દબાણ વધતું જાય એમ એમ તેનું સ્વરૂપ બદલાતું જાય છે. લોપ્રેશરમાંથી વેલ માર્ક્ડ લો પ્રેશર, ડિપ્રેશન, ડિપડ્રિપેશન અને બાદમાં ચક્રવાત, સ્ટ્રોમમાં પરિવર્તિત થાય છે. ભારતમાં ૧૫ ફેબ્રુઆરીથી ૧૫ જૂન સુધી અને ઓક્ટોબર, ચોમાસામાં નવેમ્બર અને ડિસેમ્બરમાં ચક્રવાતની સંભાવના વધુ હોય છે. આ માટે તેમાં રહેલા હવાના દબાણના મિલિબાર્સ આંકના આધારે આકલન કરવામાં આવે છે. અરબી કે બંગાળના ઉપમહાસાગરમાં આવા ચાર પાંચ ચક્રવાતો ઉદ્દભવે છે, જે ગુજરાતને અસર કરે છે. એક દાયકા પૂર્વે આ ચક્રવાતો તમીલનાડુ, આંધ્રપ્રદેશ થઇ ગુજરાત તરફ ફંટાતા હતા. પણ હવે ક્લાયમેટ ચેન્જના કારણે આ ચક્રવાતો મધ્ય પ્રદેશ થઇને આવે છે.

ગુજરાતમાં સામાન્ય રીતે દક્ષિણ પ્રાંતમાં વધારે વરસાદ નોંધાતો હતો. પણ હવે તો કચ્છમાં પણ અચાનક વરસાદ પુષ્કળ વરસાદ પડે છે. પહેલા સ્થિતિ એવી હતી કે, ભૂજનું હમીરસર તળાવ ભાગ્યે જ ભરાતું હતું અને ભરાઇ એટલે કચ્છમાં અગતો (રજા) પાળવામાં આવતી હતી. હવે તો આ તળાવ પણ એકઆંતરા ચોમાસામાં ભરાતું હોય છે. એક ચોમાસામાં પુષ્કળ વરસાદના કારણે જ્યાં પૂરની સ્થિતિ હોય એ જિલ્લામાં બીજા વર્ષે પાણી અછત રહે એટલો જ વરસાદ નોંધાય છે.

ઉક્ત બાબતો ક્લાયમેટ ચેન્જની અસર સૂચિત કરે છે. ક્લાયમેટ એટલે લઘુત્તમ ૩૦ વર્ષના હવામાનના તારણો. મહારાજ સયાજીરાવ ગાયકવાડ યુનિવર્સિટી ઓફ બરોડાના ઇન્સ્ટિટ્યુટ ઓફ ક્લાઇમેટ ચેન્જ એન્ડ રિસર્ચ સેન્ટરમાં ડો. સંસ્કૃતિ મુજુમદારના માર્ગદર્શન હેઠળ પ્રો. ચિરાયુ પંડિતે ક્લાયમેટ ચેન્જ વિષયે રસપ્રદ સંશોધન કર્યું છે. કેન્દ્ર સરકારના મૌસમ વિભાગ સહિતની એજન્સી પાસેથી આંકડાઓ લઇ તેમણે કરેલા સંશોધનમાં પરિણામો ધ્યાને લેવા ઘટે !

વડોદરામાં જળવાયુ પરિવર્તનને કારણે આખા ચોમાસાના ચોથા ભાગનો વરસાદ હવે એક માત્ર જૂન માસમાં પડી જાય છે. એમાંય એક માસના સરેરાશ જેટલો તો એક જ દિવસમાં વરસાદ પડે છે. આવું થાય ત્યારે પૂરની સ્થિતિ આવે છે. વર્ષ ૨૦૦૫માં જૂન માસના સરેરાશ ૧૩૫ મિલિમિટર વરસાદની સામે તા. ૨૯-૦૬-૨૫ના રોજ એક જ દિવસમાં ૨૩૮ મિલિમિટર વરસાદ વરસી ગયો હતો.

૨૦૧૯માં જુલાઇ માસના સરેરાશ ૩૨૭ મિલિમિટરની સાપેક્ષે ૩૧-૭-૧૯ના રોજ એક જ દિવસમાં ૩૫૧ મિલિમિટર વરસાદ પડ્યો હતો. એ જ રીતે ૧૯૭૮ના ઓગસ્ટમાં ૨૭૯ મહિનાની સરેરાશ સામે તા. ૧૭-૮-૭૮ના રોજ એક જ દિવસે ૨૨૪ મિલિમિટર વરસાદ નોંધાયો હતો. ૧૯૯૪ના સપ્ટેમ્બરની ૧૪૪ મિલિમિટર સરેરાશ સામે તા. ૧૧-૯-૯૪ના રોજ ૨૫૬ મિલિમિટર વરસાદ નોંધાયો હતો. વડોદરામાં ચોમાસામાં સરેરાશ ૩૭ દિવસ વરસાદ પડે છે.

શહેરીકરણ, ઔદ્યોગિકીકરણ સહિતના પરિબળો ક્લાયમેટ ચેન્જમાં મહત્વના પૂરવાર થાય છે. શહેરોમાં ઉંચી ઉમારતોના કારણે પવનની દિશા અને ગતિમાં ફેરફાર થાય છે. જેના કારણે શહેરના એક જ વિસ્તારમાં વરસાદ હોય તો બીજા ભાગ સાવ કોરો હોય છે.

જમીનના સરફેસના આધારે વાતાવરણ વચ્ચેના ઇન્ટરેક્શનથી રચાતું બાઉન્ડ્રી લેયર, જે તે સ્થળનું તાપમાન અને મિટિરોલોજીકલ માપદંડ નક્કી કરે છે. સામાન્ય સંજોગોમાં દિવસે તાપમાન વધવાના કારણે લેયર જમીનથી ગરમી દોઢથી બે કિલોમિટર ઉપર જતી હોય છે અને રાતે ૧૦૦ મિટર સુધી જતી હોય છે. પરંતુ, ક્લાયમેટ ચેન્જના કારણે શહેરી વિસ્તારની જમીનની ગરમી આકાશ તરફ જવાના અંતરમાં દિવસ અને રાતમાં કોઇ તફાવત રહ્યો નથી. ગામડાઓમાં આ અંતર હજુ વધુ છે. શહેરીકરણના કારણે વધતા જતા તાપમાનને અર્બન હિટ આયલેન્ડ કહે છે. આ અર્બન હિટ આયલેન્ડ શહેરમાં ભારે વરસાદનું કારણ બને છે અને પૂરની સ્થિતિનું નિર્માણ કરે છે.

વડોદરાની વાત કરીએ તો ૧૯૭૮માં વડોદરા શહેરના કુલ ક્ષેત્રફળ ૧૫૦ ચોરસ કિલોમિટર પૈકી ૮ ટકા વિસ્તાર એટલે કે ૧૪.૦૮ ટકા વિસ્તારમાં બાંધકામ હતું. તે વધીને ૨૦૧૮માં ૯૭ ચોરસ કિલોમિટર, ૬૮ ટકા થઇ ગયું છે. તેવું પ્રો. પંડિતના સંશોધનમાં છે.

વડાપ્રધાનશ્રી નરેન્દ્રભાઇ મોદીએ પ્રકૃતિના રક્ષણ માટે મિશન લાઇફ નામક અભિયાન આપ્યું છે. એ અભિયાનને અપનાવવાનો આ ખરો સમય છે. તો જ આપણે પ્રકૃતિનું સંરક્ષણ કરી શકશું.

 

0 comment
0 FacebookTwitterPinterestEmail
Gujarat Rain News Heavy Rain Batters Parts Of saurashtra, Triggers Waterlogging
રાજ્ય

Gujarat Rain News : સૌરાષ્ટ્રમાં સાર્વત્રિક મેઘમહેર; ગત ૨૪ કલાક દરમિયાન બોટાદ જિલ્લાના ગઢડા તાલુકામાં સૌથી વધુ ૧૪ ઇંચ જેટલો વરસાદ વરસ્યો

by kalpana Verat
written by kalpana Verat

News Continuous Bureau | Mumbai

Gujarat Rain News : 

છેલ્લા ૨૪ કલાકમાં ભાવનગર જિલ્લામાં સરેરાશ ૮ ઇંચથી વધુ વરસાદ; જ્યારે બોટાદ જિલ્લામાં ૭.૫ ઈંચથી વધુ વરસાદ નોંધાયો
સવારે ૬ થી ૧૦ કલાક સુધીમાં ભાવનગરના ઉમરાળા તાલુકામાં રાજ્યનો સૌથી વધુ ૩.૫ ઇંચથી વધુ વરસાદ

રાજ્યમાં ચોમાસાના આગમન સાથે જ સૌરાષ્ટ્રના મોટાભાગના જિલ્લામાં સાર્વત્રિક મેઘમહેર જોવા મળી છે. સ્ટેટ ઇમરજન્સી ઓપરેશન સેન્ટર-ગાંધીનગરના અહેવાલ મુજબ છેલ્લાં ૨૪ કલાક દરમિયાન બોટાદ જિલ્લાના ગઢડા તાલુકામાં સૌથી વધુ ૧૪ ઇંચ જેટલો વરસાદ વરસ્યો છે. જ્યારે, ભાવનગર જિલ્લાના પાલીતાણા અને શિહોર ૧૨-૧૨ ઇંચ જેટલો વરસાદ નોંધાયો છે. રાજ્યમાં ભાવનગર જિલ્લામાં સૌથી વધુ સરેરાશ ૮ ઇંચ તેમજ બોટાદ જિલ્લામાં એક જ દિવસમાં સરેરાશ ૭.૫ ઇંચ જેટલો વરસાદ વરસ્યો છે.

તાલુકાની વાત કરીએ તો, ગત ૨૪ કલાકમાં ભાવનગરના જેશર અને ઉમરાળા, અમરેલીના સાવરકુંડલા તેમજ બોટાદ તાલુકામાં ૧૦ ઇંચ કરતા વધુ વરસાદ નોંધાયો છે. ભાવનગરના મહુવા તાલુકામાં પણ ૯ ઇંચ જેટલો વરસાદ વરસ્યો છે. આ ઉપરાંત અમરેલીના રાજુલા, અમરેલી અને લીલીયા, ભાવનગરના વલ્લભીપુર અને તળાજા તેમજ સુરેન્દ્રનગરના ચોટીલા તાલુકામાં પણ ૬ ઈંચથી વધુ વરસાદ નોંધાયો છે.

વધુમાં, ભાવનગરના ગારીયાધાર, રાજકોટના વિંછીયા, ભરૂચના હાંસોટ, અમરેલીના બાબરા અને ખાંભા તેમજ મોરબી તાલુકામાં ૪ ઈંચથી વધુ વરસાદ વરસ્યો છે. જ્યારે, મોરબીના ટંકારા અને હળવદ, રાજકોટના જસદણ અને જેતપુર, સુરેન્દ્રનગરના ચુડા, સાયલા, થાનગઢ અને મુળી, ભરૂચના વાગરા અને અંકલેશ્વર, સુરતના ઓલપાડ, અમરેલીના લાઠી, કચ્છના માંડવી, ભાવનગર ઉપરાંત જૂનાગઢ શહેર અને તાલુકામાં પણ ૩ ઈંચથી વધુ વરસાદ નોંધાયો છે.

આ સમાચાર પણ વાંચો : Railway News : મુસાફરોની સુવિધામાં વધારો, ગાંધીધામ-જોધપુર એક્સપ્રેસમાં 6 કોચ ઉમેરવામાં આવ્યા.. 

આ ઉપરાંત રાજ્યના ૨૫ તાલુકામાં બે ઇંચથી વધુ, ૬૬ તાલુકામાં એક ઈંચથી વધુ જ્યારે, ૯૩ તાલુકામાં એક ઇંચ કરતા ઓછો વરસાદ નોંધાયો છે. આમ, છેલ્લા ૨૪ કલાક દરમિયાન રાજ્યમાં ૩૩ જિલ્લાના કુલ ૨૨૧ તાલુકામાં સરેરાશ ૧.૫ ઈંચથી વધુ વરસાદ વરસ્યો છે.

અત્રે ઉલ્લેખનીય છે કે, આજે તા. ૧૭ જૂન, ૨૦૨૫ના રોજ સવારે ૬.૦૦ કલાક સુધીમાં રાજ્યમાં મોસમનો કુલ સરેરાશ વરસાદ ૮ ટકા જેટલો નોંધાયો છે. જ્યારે, સવારે ૬.૦૦ કલાકથી ૧૦.૦૦ કલાક સુધીમાં ભાવનગર જિલ્લાના ઉમરાળા તાલુકામાં રાજ્યનો સૌથી વધુ ૩.૫ ઇંચથી વધુ વરસાદ નોંધાયો છે. આ ઉપરાંત બોટાદના બરવાળામાં ૩ ઇંચ તેમજ ભાવનગરના વલ્લભીપુર, અમદાવાદના ધોલેરા અને ધંધુકા તાલુકામાં પણ ચાર કલાકમાં જ બે ઈંચથી વધુ વરસાદ વરસ્યો છે.

Disclaimer : Except for the headline, this story has not been edited by News Continuous staff and is published from a syndicated feed.

 

0 comment
0 FacebookTwitterPinterestEmail
June Rain Updates How will the rainfall be in June IMD new forecast
Main PostTop Postદેશ

June Rain Updates : નિર્ધારિત સમય કરતા પહેલા આવી ગયું ચોમાસુ, જૂન 2025 માં કેટલો વરસાદ પડશે? જાણો હવામાન વિભાગની આગાહી..

by kalpana Verat
written by kalpana Verat

News Continuous Bureau | Mumbai 

June Rain Updates : મહારાષ્ટ્રમાં ચોમાસું પ્રવેશી ગયું છે, આ વર્ષે ચોમાસું મહારાષ્ટ્રમાં બાર દિવસ વહેલું પ્રવેશી ગયું છે. દરમિયાન ભારતીય હવામાન વિભાગે જૂન મહિનામાં દેશભરમાં ચોમાસાનો વરસાદ કેવો રહેશે તેની આગાહી બહાર પાડી છે. હવામાન વિભાગે આગાહી કરી છે કે આ વર્ષે જૂન મહિનામાં સરેરાશ કરતાં વધુ વરસાદ પડશે. હવામાન વિભાગની આગાહી મુજબ, આ વર્ષે જૂન મહિનામાં વરસાદ લાંબા ગાળાના સરેરાશના 108 ટકા રહેશે. હવામાન વિભાગે કહ્યું છે કે આ વર્ષે જૂનમાં વરસાદ છેલ્લા 16 વર્ષનો રેકોર્ડ તોડી શકે છે. હવામાન વિભાગની આગાહી મુજબ, જૂન મહિનામાં ઉત્તર-પશ્ચિમ ભારતમાં વરસાદ સામાન્ય રહેવાની શક્યતા છે. જોકે, ઉત્તરપૂર્વ ભારતમાં ઓછો વરસાદ પડી શકે છે.

June Rain Updates :ચોમાસું 12 દિવસ વહેલું મહારાષ્ટ્રમાં પ્રવેશ્યું

ભારતીય હવામાન વિભાગના ડિરેક્ટર IMD દ્વારા આપવામાં આવેલી માહિતી અનુસાર, આ વર્ષે મધ્ય અને દક્ષિણ ભારતમાં સરેરાશ કરતાં વધુ વરસાદ પડવાની શક્યતા છે. IMD એ સોમવારે જણાવ્યું હતું કે આ વર્ષે ચોમાસું તેના સામાન્ય સમય કરતાં 12 દિવસ વહેલું મહારાષ્ટ્રમાં પ્રવેશ્યું છે. 1950 પછી આ પહેલી વાર બન્યું છે જ્યારે આવું બન્યું છે. બીજી તરફ, આ વર્ષે ચોમાસુ ભારતના મુખ્ય ભૂમિમાં સમય કરતાં વહેલું આવી ગયું છે. 2009 પછી, એટલે કે, ૧૬ વર્ષ પછી, ભારતમાં ચોમાસુ સમય કરતાં વહેલું આવી ગયું છે.

June Rain Updates : સામાન્ય કરતાં વધુ વરસાદની આગાહી 

સામાન્ય રીતે, ચોમાસુ 1 જૂને કેરળમાં પ્રવેશ કરે છે, જ્યારે તે 11 જૂને મુંબઈમાં પ્રવેશ કરે છે. ચોમાસુ 8  જુલાઈ સુધીમાં સમગ્ર દેશને આવરી લે છે. ચોમાસાની પરત યાત્રા 17 સપ્ટેમ્બરથી શરૂ થાય છે. ચોમાસુ 15 ઓક્ટોબર સુધીમાં દેશમાંથી વિદાય લે છે. જોકે, આ વર્ષે ચોમાસુ સમય કરતાં વહેલું આવી ગયું છે, અને હવામાન વિભાગે સામાન્ય કરતાં વધુ વરસાદની આગાહી કરી છે.

આ સમાચાર પણ વાંચો  : Vegetable Price: વરસાદ પડતાં જ ખોરવાયું ગૃહિણીઓનું બજેટ, મહારાષ્ટ્ર માં શાકભાજીના ભાવ આસમાને, જાણો નવા ભાવ

June Rain Updates :મે મહિનામાં જ નદીઓ છલકાઈ ગઈ 

દરમિયાન, બીજી તરફ, મહારાષ્ટ્રમાં ભારે વરસાદ પડ્યો છે, અને રાજ્યમાં છેલ્લા ત્રણથી ચાર દિવસથી વરસાદ ચાલુ છે. કોંકણ સહિત વિદર્ભ અને મરાઠવાડામાં પણ કેટલીક જગ્યાએ ભારે વરસાદ પડ્યો છે. વરસાદને કારણે નદીઓ અને નાળા છલકાઈ ગયા છે. આ વર્ષે મે મહિનામાં જ નદીઓ છલકાઈ ગઈ છે. મુંબઈમાં પણ છેલ્લા બે દિવસથી ભારે વરસાદ પડ્યો છે.

0 comment
0 FacebookTwitterPinterestEmail
Mumbai Rain Updates Mumbai hit by heavy rains; public transport services disrupted
Main PostTop Postમુંબઈ

Mumbai Rain Updates : મુંબઈમાં આફત બન્યો વરસાદ, રસ્તાઓ પર ફરી વળ્યા પાણી; જાણો ક્યાં કેટલો વરસાદ પડ્યો…

by kalpana Verat
written by kalpana Verat

News Continuous Bureau | Mumbai

Mumbai Rain Updates : રવિવાર રાતથી મુંબઈના શહેરી વિસ્તારોમાં ભારે વરસાદ ચાલુ છે, જેના કારણે મુંબઈના ઘણા ભાગોમાં પાણી ભરાઈ ગયા છે, જેમાં કિંગ્સ સર્કલ, દાદર અને ગ્રાન્ડ રોડમાં પાણી ભરાઈ ગયા છે. અંધેરી સબવે બંધ કરી દેવામાં આવ્યો છે અને ત્યાં લગભગ દોઢ થી બે ફૂટ પાણી ભરાઈ ગયું છે. સોમવારે સવારે કામ પર ગયેલા કર્મચારીઓ ખૂબ જ મુશ્કેલીમાં મુકાયા હતા.

 

Mumbai Rain Updates :  શહેરી વિસ્તારોમાં, રસ્તાઓ પાણીમાં ગરકાવ 

મુંબઈમાં, ખાસ કરીને શહેરી વિસ્તારોમાં, રસ્તાઓ પાણીમાં ગરકાવ છે અને રસ્તાઓ પરના ગટર સાફ થયા છે કે નહીં તે અંગે પ્રશ્નો ઉભા થઈ રહ્યા છે. શહેરના ઉપનગરોના રસ્તાઓ નદી જેવો દેખાવ ધારણ કરી ચૂક્યા છે. એક કલાકમાં મોટા પ્રમાણમાં પ્રવાહ આવવાની અપેક્ષા છે. તેમ છતાં, જો વરસાદ ચાલુ રહેશે, તો પાણી વધુ વધવાની શક્યતા છે. 

 

Mumbai Rain Updates :  ૦૮:૦૦ થી ૦૯:૦૦ વાગ્યા સુધી વરસાદ

દક્ષિણ મધ્ય મુંબઈ

શિવરી કોળીવાડા – ૧૨ મીમી,

ગોખલે રોડ મ્યુનિસિપલ સ્કૂલ – ૧૧ મીમી

પૂર્વીય ઉપનગરો

કલેક્ટર કોલોની ચેમ્બુર – ૧૩ મીમી,

ચેમ્બુર ફાયર સ્ટેશન – ૦૯ મીમી

આ સમાચાર પણ વાંચો :  Ferry Service Suspended : મુસાફરો માટે મહત્વના સમાચાર… ગેટવે-માંડવા બોટ ફેરી આ તારીખથી થશે બંધ, જાણો કારણ…

પશ્ચિમી ઉપનગરો

સુપારી ટાંકી અને નાળિયેર વાડી સાન્તાક્રુઝ – ૨૫ મીમી

ખાર દાંડા પાલી ટેકરી – ૨૪ મીમી

બાંદ્રા પશ્ચિમ – ૧૮ મીમી

વિલે પાર્લે ફાયર સ્ટેશન – ૧૫ મીમી

અંધેરી ફાયર સ્ટેશન અને ચકાલા મ્યુનિસિપલ સ્કૂલ – ૧૪ મીમી

માલવણી ફાયર સ્ટેશન – ૧૨ મીમી,

વર્સોવા પમ્પિંગ સ્ટેશન – ૧૧ મીમી.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

0 comment
0 FacebookTwitterPinterestEmail
India Monsoon 2025 Monsoon arrives in Kerala 8 days before schedule, earliest onset in 16 years
Main PostTop Postદેશ

India Monsoon 2025 : ઇંતેજાર થયો ખતમ.. ભારતમાં આવી ગયું ચોમાસુ! કેરળમાં શરૂ થયો વરસાદ, આ રાજ્યોમાં જાહેર કરાયું ઓરેન્જ એલર્ટ…

by kalpana Verat
written by kalpana Verat

   News Continuous Bureau | Mumbai  

 India Monsoon 2025 : કેરળમાં ચોમાસાએ દસ્તક આપી દીધી છે. છેલ્લા 16 વર્ષમાં ભારતની મુખ્ય ભૂમિ પર ચોમાસાનું આ સૌથી પહેલું આગમન છે. આ વખતે ચોમાસુ તેના નિર્ધારિત સમય કરતાં 8 દિવસ વહેલું કેરળમાં આવી ગયું છે. ભારતના હવામાન વિભાગે આ માહિતી આપી છે. રાજ્યમાં છેલ્લે આટલું વહેલું ચોમાસુ 2009 અને 2001માં પહોંચ્યું હતું, જ્યારે તે 23 મેના રોજ રાજ્યમાં પહોંચ્યું હતું. કેરળમાં ચોમાસાના આગમનની સામાન્ય તારીખ 1 જૂન છે. જોકે, 1918માં, રાજ્યમાં ચોમાસુ 11 મેના રોજ જ પહોંચ્યું હતું, જે અત્યાર સુધી કેરળમાં ચોમાસાના સૌથી વહેલા આગમનનો એકમાત્ર કિસ્સો છે.

India Monsoon 2025 : ચોમાસાનું સૌથી મોડું આગમન 2016 માં થયું હતું

બીજી તરફ, કેરળમાં ચોમાસાના મોડા આગમનનો રેકોર્ડ 1972 માં નોંધાયેલ છે, જ્યારે ચોમાસાનો વરસાદ 18 જૂને શરૂ થયો હતો. છેલ્લા 25 વર્ષમાં ચોમાસાનું સૌથી મોડું આગમન 2016 માં થયું હતું, જ્યારે ચોમાસું 9 જૂને કેરળમાં પ્રવેશ્યું હતું. IMD એ ચોમાસાના આગમનને ધ્યાનમાં રાખીને કેરળના ઘણા જિલ્લાઓ માટે રેડ એલર્ટ જારી કર્યું છે – જેમાં આગામી 24 કલાકમાં 20 સેમીથી વધુ વરસાદ પડી શકે છે. કેટલાક અન્ય જિલ્લાઓમાં ઓરેન્જ એલર્ટ જાહેર કરવામાં આવ્યું છે, જ્યાં ૧૧ સેમીથી ૨૦ સેમી સુધી વરસાદ પડી શકે છે. IMD એ 6 સેમી થી 11 સેમી સુધી ભારે વરસાદ પડવાની ધારણાવાળા વિસ્તારોમાં પીળો ચેતવણી પણ જારી કરી છે.

India Monsoon 2025 :મુંબઈમાં ઓરેન્જ એલર્ટ, ભારે વરસાદની આગાહી

દક્ષિણ કોંકણ, ગોવાના દરિયાકાંઠે અને પૂર્વ મધ્ય અરબી સમુદ્ર પર એક નીચા દબાણનો વિસ્તાર ચાલુ છે. આ કારણે, IMD એ આગામી ત્રણ દિવસ માટે કોંકણ ક્ષેત્રમાં અત્યંત ભારે વરસાદ માટે રેડ એલર્ટ જારી કર્યું છે. IMD એ એક નિવેદનમાં જણાવ્યું હતું કે,  રાયગઢ અને રત્નાગિરિ જિલ્લાઓ માટે ભારે વરસાદની સંભાવના સાથે રેડ એલર્ટ જારી કરવામાં આવ્યું છે, જ્યારે મુંબઈ, થાણે, પાલઘર, સિંધુદુર્ગ તેમજ પુણે અને સતારા માટે ભારે વરસાદ, વાવાઝોડા અને ભારે પવન સાથે ઓરેન્જ એલર્ટ જારી કરવામાં આવ્યું છે. IMD એ મુંબઈ માટે ઓરેન્જ એલર્ટ જારી કર્યું છે, જેમાં છૂટાછવાયા સ્થળોએ ભારેથી અતિ ભારે વરસાદ, વાવાઝોડા અને 50 થી 60 કિમી પ્રતિ કલાકની ઝડપે પવન ફૂંકવાની ચેતવણી આપવામાં આવી છે.

આ સમાચાર પણ વાંચો :  Gadchiroli Naxalites Encounter : ગઢચિરોલી પોલીસ દ્વારા મોટી કાર્યવાહી! ચાર હિંસક નક્સલીઓને માર્યા ઠાર.;ચારેય નક્સલીઓ પર અધધ આટલા લાખ રૂપિયાનું હતું ઇનામ …

India Monsoon 2025 :ચોમાસાના વહેલા આગમનથી કૃષિ ક્ષેત્રને ફાયદો થશે

ચોમાસાનું વહેલું આગમન સામાન્ય રીતે તમામ ક્ષેત્રોમાં, ખાસ કરીને કૃષિ ક્ષેત્રમાં, જે ભારતના ગ્રામીણ અર્થતંત્રનો આધારસ્તંભ છે, સકારાત્મક લાગણીઓ લાવે છે. સમયસર વરસાદ ભૂગર્ભજળના સ્તરમાં સુધારો કરે છે, જળાશયો ભરે છે અને ડાંગર, કઠોળ, તેલીબિયાં, કપાસ અને શાકભાજી જેવા ખરીફ પાકોની વહેલી વાવણીમાં મદદ કરે છે – આ બધા ખાદ્ય સુરક્ષા અને ગ્રામીણ આવક માટે મહત્વપૂર્ણ છે. જોકે, હવામાન નિષ્ણાતોએ પહેલાથી જ ચેતવણી આપી હતી કે ચોમાસાની શરૂઆત પ્રોત્સાહક છે, પરંતુ વાસ્તવિક અસર આગામી અઠવાડિયામાં દેશભરમાં ચોમાસુ કેટલું સ્થિર અને એકસરખું આગળ વધે છે તેના પર નિર્ભર રહેશે.

India Monsoon 2025 :ચોમાસુ સમગ્ર દેશમાં એકસરખું ફેલાય તે જરૂરી છે.

ખરીફ ઋતુ સફળ થાય તે માટે, દેશભરમાં ચોમાસા અને વરસાદનો સમાન ફેલાવો જરૂરી છે. અસમાન વરસાદ કે લાંબા સમય સુધી દુષ્કાળ ચોમાસાની વહેલી શરૂઆતના ફાયદાઓને રદ કરી શકે છે. જો ચોમાસુ તેની ગતિ જાળવી રાખે અને જુલાઈના મધ્ય સુધીમાં મધ્ય અને ઉત્તર ભારતમાં સમાનરૂપે ફેલાય – એક સામાન્ય પ્રક્રિયા – તો દેશના કૃષિ ઉત્પાદનમાં વધારો થશે, જે ફુગાવાને નિયંત્રિત કરવામાં અને આર્થિક વિકાસને વેગ આપવામાં પણ મદદ કરશે.

 

 

 

0 comment
0 FacebookTwitterPinterestEmail
Mumbai Weather Updates IMD predicts heavy rainfall till May 24
Main PostTop Postમુંબઈ

 Mumbai Weather Updates : મુંબઈમાં યલો એલર્ટ! આજથી 3 દિવસ તોફાની વરસાદની આગાહી; જાણો આજે હવામાન કેવું રહેશે?

by kalpana Verat
written by kalpana Verat

News Continuous Bureau | Mumbai

Mumbai Weather Updates :મંગળવારે સાંજે મહારાષ્ટ્રના મુંબઈમાં ભારે વરસાદ પડ્યો હતો. ભારે વરસાદ સાથે ઘણા ભાગોમાં વાવાઝોડા અને વીજળીના કડાકા ભડાકા થયા હતા, જેના કારણે શહેરના રસ્તાઓ પર ટ્રાફિક પ્રભાવિત થયો હતો.  દરમિયાન હવામાન વિભાગે બુધવાર અને ગુરુવારે મહાનગરમાં ભારે વરસાદની આગાહી કરી છે. મુંબઈ સહિત થાણે અને પાલઘરમાં આગામી ત્રણ દિવસ માટે યલો એલર્ટ જારી કરવામાં આવ્યું છે. ખરાબ હવામાનને કારણે, માછીમારો માટે સલાહ પણ જારી કરવામાં આવી છે.

Mumbai Weather Updates : મહારાષ્ટ્રમાં ભારે વરસાદ અને ગાજવીજ સાથે વરસાદની આગાહી

હવામાન વિભાગે 21 થી 24 મે દરમિયાન મહારાષ્ટ્રમાં ભારે વરસાદ અને ગાજવીજ સાથે વરસાદની આગાહી કરી છે. તેનું કારણ અરબી સમુદ્રના પૂર્વ-મધ્ય ક્ષેત્રમાં કર્ણાટક કિનારા નજીક રચાયેલ ચક્રવાતી પરિભ્રમણ પ્રણાલી હોવાનું કહેવાય છે.  મુંબઈ હવામાન કેન્દ્રએ જણાવ્યું હતું કે કર્ણાટકના દરિયાકાંઠે મધ્ય-પૂર્વ અરબી સમુદ્ર પર ચક્રવાતી વાવાઝોડું બનવાની શક્યતા છે. એવો અંદાજ છે કે 22 મેની આસપાસ નીચા દબાણનું ક્ષેત્ર બની શકે છે. તે ઉત્તર તરફ આગળ વધશે અને ધીમે ધીમે વધુ શક્તિશાળી બની શકે છે. હવામાન વિભાગના અધિકારી શુભાંગી ભુતેએ જણાવ્યું હતું કે આ હવામાન પ્રણાલીને કારણે મહારાષ્ટ્રમાં વરસાદ વધવાની ધારણા છે.

Mumbai Weather Updates :30 -40  કિમી પ્રતિ કલાકની ઝડપે પવન ફૂંકાશે

દક્ષિણ કોંકણ, દક્ષિણ મધ્ય મહારાષ્ટ્ર અને મુંબઈ જેવા વિસ્તારો વરસાદથી પ્રભાવિત થઈ શકે છે. કેટલીક જગ્યાએ ભારે વરસાદ અને ગાજવીજ સાથે વરસાદ પડી શકે છે. પવન 30 -40 કિમી પ્રતિ કલાકની ઝડપે ફૂંકાશે અને છૂટાછવાયા સ્થળોએ તેનાથી પણ વધુ મજબૂત પવન ફૂંકાશે તેવી શક્યતા છે. હવામાન વિભાગે લોકોને સતર્ક રહેવાની સલાહ આપી છે.

આ સમાચાર પણ વાંચો : 

Mumbai Weather Updates : માછીમારો માટે ચેતવણી જારી 

હવામાન વિભાગે માછીમારો માટે ચેતવણી જારી કરી છે. આગામી થોડા દિવસોમાં અરબી સમુદ્રમાં હવામાન ખરાબ રહેવાની ધારણા છે. 21 મેથી મહારાષ્ટ્ર અને ગોવા નજીક દરિયામાં નીચા દબાણનું ક્ષેત્ર બનવાની શક્યતા છે. તે ઉત્તર તરફ આગળ વધી શકે છે અને 24 મે સુધીમાં મજબૂત બની શકે છે. સીએમઓ અનુસાર, રાજ્યના દરિયાકાંઠાને કોઈ સીધો ખતરો નથી. પરંતુ 22 થી 24 મે દરમિયાન દરિયામાં ઊંચા મોજા ઉછળી શકે છે. રાયગઢ, રત્નાગિરિ, મુંબઈ અને પાલઘર નજીક દરિયો ખાસ કરીને તોફાની રહેશે.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

0 comment
0 FacebookTwitterPinterestEmail
Mumbai Rain Pre-Monsoon Rains Disrupt Mumbai Traffic; Andheri east Waterlogged
Main PostTop Postમુંબઈ

Mumbai Rain :પહેલા જ વરસાદમાં મુંબઈના હાલ બેહાલ, અંધેરી પૂર્વમાં ઘૂંટણ સુધી પાણી ભરાઈ ગયુ; જુઓ વિડીયો..

by kalpana Verat
written by kalpana Verat

News Continuous Bureau | Mumbai

Mumbai Rain :મંગળવારે સાંજે મુંબઈ અને તેના પડોશી વિસ્તારોમાં ભારે વરસાદ પડ્યો, જેના કારણે  ફરી એકવાર પાલિકાની પોલ ખુલી ગઈ. અંધેરી વિસ્તારના રસ્તાઓ પર ઘૂંટણ સુધી પાણી ભરાઈ ગયુ. અંધેરી પૂર્વમાં ઓલ્ડ નાગરદાસ રોડ પર પાણીનું સ્તર એટલું ઊંચું હતું કે લોકો રસ્તો પાર કરી શકતા નહોતા. વાયરલ થયેલા એક વીડિયોમાં, ફળ બજારના દુકાનદારો ભીના થઈને વરસાદથી પોતાનો સામાન બચાવવાનો પ્રયાસ કરતા જોવા મળ્યા.

Mumbai Rain :જુઓ વિડીયો 

 

Mumbai Rain :યુઝર્સની કોમેન્ટ 

એક યુઝરે લખ્યું, “બસ થોડો વરસાદ અને અંધેરી પૂર્વના રસ્તાઓ પાણીથી ભરાઈ ગયા.” જ્યારે બીજા એક વ્યક્તિએ BMC ને ટેગ કરીને પ્રશ્ન ઉઠાવ્યો. સામાજિક કાર્યકર્તા ઝોરુ ભથેનાએ અંધેરી સબવેમાં પાણી ભરાવા પર કટાક્ષ કરતા કહ્યું, “BMC એ બંને છેડે બોર્ડ લગાવવા જોઈએ – ‘આ એક ગટર છે, તેનો ઉપયોગ ફક્ત સૂકા હવામાનમાં જ કરો’.”

Mumbai Rain :હવામાન વિભાગે યલો એલર્ટ જાહેર કર્યું

ઉલ્લેખનીય છે કે હવામાન વિભાગે આગામી ચાર દિવસ માટે મુંબઈ અને આસપાસના વિસ્તારો માટે યલો એલર્ટ જારી કર્યું છે. હવામાન વિભાગે જણાવ્યું છે કે રાજ્યમાં ચક્રવાતી પરિભ્રમણને કારણે, 21 થી 24 મે દરમિયાન વાવાઝોડા અને ભારે પવન સાથે ભારે વરસાદ પડી શકે છે. 

0 comment
0 FacebookTwitterPinterestEmail
Mumbai Rain : Major parts of Mumbai witness rainfall
Main PostTop Postમુંબઈ

 Mumbai Rain : મંગળવારે સાંજે વીજળીના કડાકા સાથે મુંબઈમાં વરસાદ, આ વિસ્તારમાં સૌથી વધુ વરસાદ નોંધાયો; જાણો ક્યાં કેટલો વરસાદ પડ્યો… 

by kalpana Verat
written by kalpana Verat

News Continuous Bureau | Mumbai

Mumbai Rain : મંગળવારે સાંજે મુંબઈ મહાનગર સહિત મહારાષ્ટ્રના ઘણા જિલ્લાઓમાં ભારે વરસાદ પડ્યો. માત્ર એક કલાકના વરસાદમાં, અંધેરી અને દહિસરના ઘણા સબવે પાણીમાં ડૂબી ગયા. દરમિયાન હવામાન વિભાગે બુધવાર અને ગુરુવારે મહાનગરમાં ભારે વરસાદની આગાહી કરી છે. મુંબઈ સહિત થાણે અને પાલઘરમાં આગામી ત્રણ દિવસ માટે યલો એલર્ટ જારી કરવામાં આવ્યું છે. ખરાબ હવામાનને કારણે, માછીમારો માટે સલાહ પણ જારી કરવામાં આવી છે.

 

Mumbai Rain : ક્યાં કેટલો વરસાદ પડ્યો 

જોગેશ્વરીના પશ્ચિમ ઉપનગરમાં સૌથી વધુ 63 મીમી વરસાદ નોંધાયો હતો, જ્યારે અંધેરી (માલ્પા ડોંગરી)માં 57 મીમી અને અંધેરી (પૂર્વ)માં 40 મીમી વરસાદ નોંધાયો હતો. પૂર્વીય ઉપનગરોમાં, પવઈમાં 38 મીમી, ભાંડુપ (એસ વોર્ડ ઓફિસ)માં 29 મીમી અને ટેમ્ભી પાડામાં 27  મીમી વરસાદ નોંધાયો હતો.

Mumbai Rain :  Mumbai Covid 19: મુંબઈમાં કોરોનાની ફરી એન્ટ્રી, 53 કેસ નોંધાતા આરોગ્ય તંત્ર એલર્ટ મોડમાં… પાલિકા આવ્યું હરકતમાં કરી દીધી આ તૈયારી…

Mumbai Rain :  અંધેરી સબવે બંધ કરવો પડ્યો

બૃહન્મુંબઈ મ્યુનિસિપલ કોર્પોરેશન (BMC) ના જણાવ્યા અનુસાર, રાત્રે 8 થી 11 વાગ્યાની વચ્ચે મહાનગરમાં હળવો થી મધ્યમ વરસાદ નોંધાયો હતો. આ સમયગાળા દરમિયાન ઝાડ પડવા અને શોર્ટ સર્કિટની ઘટના સિવાય અન્ય કોઈ મોટી દુર્ઘટના બની નથી. વરસાદ છતાં, શહેર અને ઉપનગરોમાં પાણી ભરાવાની કોઈ મોટી સમસ્યા નહોતી, જોકે અંધેરી સબવેમાં પાણી ભરાવાના કારણે વાહનવ્યવહાર બંધ કરવો પડ્યો હતો.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

0 comment
0 FacebookTwitterPinterestEmail
Newer Posts
Older Posts