બાવળના ઝાડ મોટા તથા કાંટાવાળા હોય છે. તેની ડાળ કાપીને વાડ બનાવવાના કામમાં લેવાય છે. લાકડું મજબૂત હોવાથી ઘણાં ઉપયોગમાં લેવાય છે.
બાવળનો સફેદ ગુંદર થાય છે. તે ઘણો પૌષ્ટિક છે બાવળની છાલ રંગના કામમાં વપરાય છે. તેની શીંગો યા પાંદડા ઢોરને ખવડાવવામાં આવે છે. મોઢું આવે ત્યારે બાવળની છાલ તથા જાંબુડીની છાલના ઉકાળાના કોગળા કરવાથી લાભ થાય છે.
બાવળનું દાતણ દાંતને સાફ તથા મજબૂત કરે છે. પ્રમેહ પર બાવળના કુમળી પાળી સવાર-સાંજ એક એક તોલો ખાવાથી સારો લાભ થાય છે.
ઘાસલેટ પી જવા ઉપર તેલના કોગળા કરાવવા અને બાવળના ગુંદરનું પાણી નવટાંક પાઈ ઉપર દૂધ પાઈ દેવાથી ફાયદો થાય છે.
આંતરછાલ છાતીના દુઃખાવા તેમજ કફ ખાંસીમાં મોંમા રાખી તાજી છાલ ચૂસવામાં આવે છે.