Saturday, February 4, 2023
Home વેપાર-વાણિજ્ય ICICI Bank Fraud Case: વીડિયોકોનના સ્થાપક કોર્ટે વેણુગોપાલ ધૂતની આ અરજી ફગાવી, કોચર દંપતીને પણ ન આપી કોઈ રાહત

ICICI Bank Fraud Case: વીડિયોકોનના સ્થાપક કોર્ટે વેણુગોપાલ ધૂતની આ અરજી ફગાવી, કોચર દંપતીને પણ ન આપી કોઈ રાહત

વીડિયોકોનના સ્થાપક વેણુગોપાલ ધૂતને લોન ફ્રોડમાં વધુ એક ઝટકો લાગ્યો છે. મુંબઈની વિશેષ અદાલતે વીડિયોકોનના સ્થાપક વેણુગોપાલ ધૂતની અરજી ફગાવી દીધી છે. આ અરજીમાં દાવો કરવામાં આવ્યો હતો કે CBI દ્વારા ICICI બેંકના ભૂતપૂર્વ CEO અને MD ચંદા કોચરની કથિત લોન ફ્રોડ કેસમાં ધરપકડ ગેરકાયદેસર છે

by AdminH
ICICI Bank fraud case-Videocon Group founder Venugopal Dhoots plea against his arrest rejected

News Continuous Bureau | Mumbai

સ્થાપક વેણુગોપાલ ધૂતને લોન ફ્રોડમાં ( ICICI Bank fraud case )  વધુ એક ઝટકો લાગ્યો છે. મુંબઈની વિશેષ અદાલતે ( Videocon Group founder )  વીડિયોકોનના સ્થાપક વેણુગોપાલ ધૂતની ( Venugopal Dhoot’s plea ) અરજી ફગાવી ( rejected ) દીધી છે. આ અરજીમાં દાવો કરવામાં આવ્યો હતો કે CBI દ્વારા ICICI બેંકના ભૂતપૂર્વ CEO અને MD ચંદા કોચરની કથિત લોન ફ્રોડ કેસમાં ધરપકડ ગેરકાયદેસર છે. આ ઉપરાંત કોર્ટે ચંદા કોચર અને તેમના પતિ દીપક કોચરની તેમને ઘરનું ભોજન, પલંગ, ગાદલું અને ખુરશીઓનો ઉપયોગ કરવાની મંજૂરી આપવાની અરજી પણ ફગાવી દીધી હતી. કોર્ટે જેલ સત્તાવાળાઓને મેડિકલ ઓફિસર સાથે પરામર્શ કરીને ભોજન આપવાનો નિર્દેશ આપ્યો હતો. મહત્વનું છે કે કોચરની સીબીઆઈ દ્વારા 23 ડિસેમ્બરે ધરપકડ કરવામાં આવી હતી, જ્યારે ધૂતની ત્રણ દિવસ પછી ધરપકડ કરવામાં આવી હતી. હાલ ત્રણેય જ્યુડિશિયલ કસ્ટડીમાં છે.

ધૂતે તેની ધરપકડને ગેરકાયદેસર હોવાનો દાવો કરીને આ મામલે તેની તાત્કાલિક મુક્તિની માંગ કરી હતી. ધૂતના વકિલે ધરપકડ ગેરકાયદે હોવાનો દાવો કરીને દલીલ કરી હતી કે તપાસ અધિકારીએ કોચર દંપતીની ધરપકડ બાદ દબાણમાં આવીને ધૂતની ધરપકડ કરી છે. પહેલા રિમાન્ડની સુનાવણીમાં કોચરના વકિલે સવાલ કર્યો હતો કે ધૂતની હજી ધરપકડ કેમ નથી થઈ. કોચરને ભય હતો કે ધૂત માફીના સાક્ષી બની જશે. કોચરના વકિલે ખાતરી કરી હતી કે ધૂતની ધરપકડ થઈ નથી એ બાબત રિમાન્ડમાં રેકોર્ડ પર આવે, જેને લીધે તપાસ અધિકારી પર ધૂતની ધરપકડનું દબાણ લવાયું હતું. જોકે કોર્ટે ધૂતની દલીલમાં તથ્ય નહોવનું જણાવીને અરજી ફગાવી હતી.

આ સમાચાર પણ વાંચો :  સોના-ચાંદીની કિંમતમાં આજે ફરી વધારો, ખરીદી પહેલા જાણો લેટેસ્ટ રેટ

નોંધનીય છે કે CBIએ વર્ષ 2019માં ભ્રષ્ટાચાર નિવારણ અધિનિયમ અને ગુનાહિત ષડયંત્ર સહિત ભારતીય દંડ સંહિતાની સંબંધિત કલમો હેઠળ FIR નોંધી હતી જેમાં ચંદા કોચર, દીપક કોચર અને વેણુગોપાલ ધૂત સહિત NuPower Renewables (NRL), સુપ્રીમ એનર્જી, દીપક ઈન્ટરનેશનલ ઈલેક્ટ્રોનિક લિમિટેડ દ્વારા સંચાલિત વીડિયોકોન અને વીડિયોકોન ઈન્ડસ્ટ્રીઝ લિમિટેડને આરોપી તરીકે નામ આપવામાં આવ્યા હતા.

સીબીઆઈએ આરોપ લગાવ્યો છે કે આઈસીઆઈસીઆઈ બેંકે બેંક રેગ્યુલેશન એક્ટ અને રિઝર્વ બેંક ઓફ ઈન્ડિયા (આરબીઆઈ)ની માર્ગદર્શિકાનું ઉલ્લંઘન કરીને વીડિયોકોન જૂથની કંપનીઓને રૂ. 3,250 કરોડની લોન મંજૂર કરી હતી. કથિત રીતે, બદલામાં, ધૂતે 2010 થી 2012 વચ્ચે દીપક કોચરની કંપનીમાં 64 કરોડ રૂપિયાનું રોકાણ કર્યું હતું.

આ સમાચાર પણ વાંચો :  લિથિયમની કિંમતમાં ઘટડો થતા હવે ઇલેક્ટ્રિક વાહનોની કિંમતમાં ઘટાડો થઈ શકશે, લિથિયમની કિંમત 25% સુધી ઘટી શકે

Join Our WhatsApp Community

You may also like

ન્યૂઝ કંટીન્યૂઝ વિશે

News Continuous is created to spread authentic, accurate and correct news across platforms. This news venture is managed by experienced journalists. Drop an email for collaborations.

Newsletter

Subscribe my Newsletter for new blog posts, tips & new photos. Let's stay updated!

To explore your career & collaborate with us pls write to us on following email id newscontinuous@hotmail.com

@2022 – All Right Reserved. Designed and Developed by News Continuous