News Continuous Bureau | Mumbai

આર્થિક તંગી સાથે ઝઝૂમી રહેલું પાકિસ્તાન આર્થિક મદદ માટે ક્યારેક પૂર્વ તરફ તો ક્યારેક પશ્ચિમ તરફ હાથ ફેલાવી રહ્યું છે. પાકિસ્તાન ક્યારેક ચીન પાસેથી લોન લે છે તો ક્યારેક સાઉદી અરેબિયા તરફ હાથ લંબાવે છે. દરેક ચૂંટણી અને રાજકીય ઉથલપાથલ સાથે માત્ર ઈસ્લામાબાદમાં પરિવર્તનનો સામનો કરવો પડે છે, પાકિસ્તાનની દુર્દશા સતત વધી રહી છે. હાલમાં જ પાકિસ્તાનના નવા આર્મી ચીફ જનરલ અસીમ મુનીર દેશને આર્થિક સંકટમાંથી બહાર કાઢવા માટે સાઉદી અરેબિયા પહોંચ્યા હતા. તેમની આ મુલાકાત સફળ થઈ હોય એવા સમાચાર આવ્યા છે. એવા સંકેતો મળી રહ્યા છે કે હવે સાઉદી અરેબિયા સરકાર પાકિસ્તાનને 5 બિલિયન ડોલરની આર્થિક મદદ કરી શકે છે.

સાઉદીની એક પ્રેસ એજન્સીના જણાવ્યા અનુસાર, ક્રાઉન પ્રિન્સ અને દેશના વડાપ્રધાન મોહમ્મદ બિન સલમાને પાકિસ્તાનમાં સાઉદી અરેબિયાનું રોકાણ વધારીને 10 અબજ ડોલર કરવા અંગે વિચારણા કરવાની સૂચના આપી છે. અગાઉ 25 ઓગસ્ટ, 2022ના રોજ સાઉદી અરેબિયાએ પાકિસ્તાનમાં રોકાણની જાહેરાત કરી હતી. મળતી માહિતી મુજબ, બિન સલમાને સાઉદી ડેવલપમેન્ટ ફંડ (SDF)ને સાઉદી અરેબિયા દ્વારા સેન્ટ્રલ બેંક ઓફ પાકિસ્તાન (CBP)ને આપવામાં આવેલી રકમને કેવી રીતે વધારવી તેનો અભ્યાસ કરવાનો નિર્દેશ આપ્યો હતો.

આ સમાચાર પણ વાંચો: દક્ષિણ કોરિયાએ ચીની યાત્રીઓ માટે કોરોના નેગેટિવ ટેસ્ટ ફરજિયાત કર્યો તો ચીને લીધો આ મોટો નિર્ણય

બાજવા બાજદ આર્મી ચીફ મુનીર સાઉદી અરેબિયા પહોંચ્યા

સાઉદી અરેબિયાએ પાકિસ્તાનની અર્થવ્યવસ્થાને સમર્થન આપવાની પુષ્ટિ કરી છે. ગયા વર્ષે એપ્રિલમાં સત્તામાં આવ્યા બાદ શહેબાઝ શરીફ પોતાના પ્રથમ વિદેશ પ્રવાસ પર સાઉદી અરેબિયા ગયા હતા. પાકિસ્તાનના ભૂતપૂર્વ આર્મી ચીફ આર. જનરલ બાજવા પણ આર્થિક મદદ લેવા માટે સાઉદી અરેબિયાની મુલાકાતે ગયા હતા. જ્યારે હવે નવેમ્બરમાં પાકિસ્તાન આર્મીની કમાન સંભાળનાર જનરલ અસીમ મુનીર પણ ગયા ગુરુવારે રિયાદ પહોંચ્યા હતા.

ઇન્ટરનેશનલ મોનેટરી ફંડથી નિરાશા મળી હતી

પાકિસ્તાનના પીએમ શહેબાઝ શરીફ રવિવારે જિનિવા જવા રવાના થયા હતા. ગત વર્ષના ભયાનક પૂરની આડઅસરમાંથી દેશને બહાર કાઢવા માટે તેઓ 16 બિલિયન ડોલરનું ભંડોળ એકત્ર કરવા યુરોપ પહોંચ્યા છે. એવો દાવો કરવામાં આવી રહ્યો છે કે પાકિસ્તાન પાસે ટૂંક સમયમાં જ રોકડ ખતમ થઈ જશે. આ વધતા જતા સંકટનો સામનો કરવા માટે પાકિસ્તાન સરકાર સંપૂર્ણપણે વિદેશી સહાય પર નિર્ભર છે. ઈન્ટરનેશનલ મોનેટરી ફંડ દ્વારા પણ પાકિસ્તાનને નિરાશા સાંપડી છે.

આ સમાચાર પણ વાંચો: આ છે ભારતના સૌથી વધુ વેચાતા સ્માર્ટફોન, લિસ્ટ જોઈને તમે ચોંકી જશો !