હું ગુજરાતી

વર્ષોથી બાળકોને ગુજરાતી શીખવી રહી છે કાંદિવલીની આ સંસ્થા; માતૃભાષા સાથે જનસેવાનું પણ કરે છે કાર્ય, જાણો વિગત

Jun, 24 2021


ન્યુઝ કન્ટિન્યુઝ બ્યુરો

મુંબઈ, 24 જૂન 2021

ગુરુવાર

આ વાત છે એવી સંસ્થાની જે કાંદિવલીમાં વર્ષોથી બાળકોને ગુજરાતી શીખવવા ઉપરાંત સમાજના જરૂરિયાતમંદ વર્ગને પણ સહાય પહોંચાડી રહી છે. છેલ્લાં ૪૩ વર્ષથી કાર્યરત સંસ્થા એટલે સાંઈ સાર્વજનિક ટ્રસ્ટ. મૂળ તો આ ટ્રસ્ટની સ્થાપના શૈક્ષણિક અને તબીબી ખર્ચ માટે લોકોને મદદ કરવા માટે થઈ હતી અને સમય જતાં માતૃભાષા શીખવવાની શરૂઆત કરાઈ હતી.

હકીકતે લગભગ ૨૫ વર્ષ અગાઉ ટ્રસ્ટીઓના ધ્યાનમાં આવ્યું હતું કે અંગ્રેજી માધ્યમનાં બાળકોને માતૃભાષા ગુજરાતી આવડતી નથી, એથી તેમણે અંગ્રેજી માધ્યમનાં બાળકોને ગુજરાતી શીખવવા માટે વિવિધ જગ્યાએ કેન્દ્રો શરૂ કર્યાં. લૉકડાઉન પહેલાં દર વર્ષે વૅકેશન દરમિયાન બોરીવલી, કાંદિવલી, ઘાટકોપર સહિતનાં કેન્દ્રોમાં કુલ સરેરાશ ૨૦૦થી ૨૫૦ બાળકો આવતાં હતાં. જોકેહાલ ઑનલાઇન વર્ગોમાં પણ ૫૦-૭૦ બાળકો જોડાય છે.

આ ઉપરાંત દર વર્ષે કાંદિવલીના પંચોલિયા હૉલમાં બાળકો દ્વારા કાર્યક્રમનું પણ આયોજન કરવામાં આવે છે. એમાં બાળકો માતૃભાષામાં વિવિધ કૃતિઓ રજૂ કરે છે. એમ તો આ વર્ગો સંપૂર્ણપણે નિ:શુલ્ક ચલાવવામાં આવે છે, પરંતુ માત્ર બાળકોને ઉપયોગી જે પુસ્તકો આપવામાં આવે છે એ બદલ નજીવી રકમ લેવામાં આવે છે.

આ સંદર્ભે વધુ વાત કરતાં સંસ્થાના સ્થાપક ટ્રસ્ટી અનંતરાય બી. મહેતાએ ન્યુઝ કન્ટિન્યુઝને જણાવ્યું કે “અમારી પાસે બાળકો ઉપરાંત મોટી ઉંમરની વ્યક્તિ પણ ગુજરાતી શીખવા આવે છે, એવું પણ બન્યું છે કે માતા અને પુત્ર બંને સાથે ગુજરાતી શીખતાં હોય.” તેમણે ઉમેર્યું હતું કે બાળકોને માતૃભાષા શીખવવાની જવાબદારી માતાની હોય છે, પરંતુ ઘણી વાર માતાને પણ ગુજરાતી ન આવડતું હોવાથી અમે બંનેને શીખવીએ છીએ.

એક ગુજરાતી ગૃહિણી બન્યાં યુટ્યુબર; પાકકળાને કારણે આજે લાખો લોકો ફેન્સ છે, યુટ્યુબ તરફથી પણ મળ્યું છે સિલ્વર પ્લે બટન

ઉલ્લેખનીય છે કે સાંઈ સાર્વજનિક ટ્રસ્ટ માતૃભાષા શીખવા ઉપરાંત જરૂરિયાતમંદ બાળકોને સ્કૂલ/કૉલેજની ફી ભરવામાં પણ મદદરૂપ થાય છે અને મેડિકલ ખર્ચ માટે પણ સહાય કરે છે. લૉકડાઉન દરમિયાન રામ રોટી ગ્રુપ સાથે મળી અને મોટી સંખ્યામાં અનાજની કિટનું વિતરણ કરાયું હતું.

Recent Comments

  • Jun, 24 2021

    Ashokkumar Shah

    અનંતરાય બી. મહેતા એક મહાન માણસ છે એ વર્ષો થી સદકાર્યોમાં જોડાયેલા રહ્યા છે તેમના ઉપર અમને ગર્વ ની લાગણી થાય છે તેઓ એ બીજા ક્ષેત્રો માં પણ નામ ઉજાળ્યું છે આ જીવનમાં તેમના જેવા માણસ ગોત્યે નહિ જડે. અંતુંભાઈ તમને અમારી સલામ છે. ધન્ય છે તમારા માતૃશ્રી ધન્ય છે તમારા પિતાશ્રી. અશોકકુમાર પી. શાહ - તમારા જુના પાર્ટનર વિનુભાઈ ના પાડોશી.

  • Jun, 24 2021

    Kirit Parekh

    શ્રી મહેતા સાહેબ કાંદિવલી ની ઘણી બધી જૂની અને પ્રતિષ્ઠિત સંસ્થાઓ સાથે વર્ષો થી સંકળાયેલાં છે. તેમનો સરળ અને વિનમ્ર સ્વભાવ તે તેઓ ના વ્યક્તિત્વ નું જમા પાસુ છે. તેઓ મોતી ની માળા સમાન છે.છુટા છવાયેલા મોતી ને સાથે પરોવી ને રાખી શકે તેવું તેમનું ચુંબકીય વ્યક્તિત્વ. પરમાત્મા ને પ્રાર્થના કે તેઓ ને સારી તંદુરસ્તી તથા દીર્ઘ આયુષ આપે જેથી કરી ને તેઓને વધારે અને વધારે સમાજ ઊપયોગી કાર્યો કરવા ની ક્ષમતા પ્રાપ્ય થાય તથા પ્રભુ તેઓ ને તે માટે વધુ ને વધુબશક્તિ આપે તેવી શુભેચ્છા.

  • Jun, 24 2021

    Nisha Chauahn

    Can I have their any contact details

  • Jun, 24 2021

    Mukul Jhaveri

    મેં આ પહેલાં પણ લખ્યું હતું કે આપની વેબસાઈટનું નામ ગુજરાતીમાં "ન્યૂઝ કન્ટિન્યુઅસ" લખાય, નહીં કે "ન્યૂઝ કન્ટિન્યુઝ", જે પ્રમાણે આપ લખો છો. હજુ પણ સુધારો કરશો તો મને આનંદ થશે.

Leave Comments

Array ( [news] => ન્યૂઝ કંટીન્યૂઝ વિશે [subscribe] => સબસ્ક્રાઈબ કરો [share] => શેર કરો [more] => વધુ )